अहमदनगर (दि.१९ डिसेंबर):-बसमध्ये प्रवाशांचे दागिने व रोख रकमेची चोरी करणाऱ्या महिला आरोपींची टोळी 2,38,000/- रुपये किमतीचे मुद्देमालासह जेरबंद करण्यात स्थानिक गुन्हे शाखेच्या पथकाला यश आले आहे.
बातमीची हकिगत अशी की,यातील फिर्यादी नामे रुपेश रोहिदास गायकवाड (रा. काळकुप,ता.पारनेर,जि. अहमदनगर) हे दि. 22/05/2023 रोजी तारकपुर बसस्टँड अहमदनगर येथुन आळेफाटा या ठिकाणी जाणेकरीता बसमध्ये चढत असतांना कोणीतरी अज्ञात आरोपींनी त्यांच्या गळ्यातील 30,000/- रुपये किमतीची 10 ग्रॅम वजनाची सोन्याचे चैन चोरुन नेली होती.या घटने बाबत तोफखाना पोलीस स्टेशन गु.र.नं.776/2023 भादवि कलम 379 प्रमाणे चोरीचा गुन्हा दाखल करण्यात आला होता. जिल्ह्यामध्ये बस स्टँडवर चोरीच्या घटना घडत असल्याने जिल्हा पोलिस अधीक्षक राकेश ओला यांनी पोनि/श्री.दिनेश आहेर, स्थानिक गुन्हे शाखा यांना गुन्हे उघडकीस आणणेबाबत विशेष पथक नेमुण कारवाई करणे बाबत आदेश दिले होते.
नमुद आदेशा प्रमाणे पोनि/श्री.दिनेश आहेर यांनी स्थानिक गुन्हे शाखेतील पोलीस अंमलदार यांचे पथक नेमुण ना उघड गुन्ह्यातील आरोपींची माहिती व शोध घेणे बाबत सुचना व मार्गदर्शन करुन पथकास रवाना केले.
स्थागुशा चे पथक दि. 18/ डिसेंबर 2023 रोजी अहमदनगर शहरामधील बस स्टँडवरील सी.सी.टी.व्ही. फुटेज चेक करुन आरोपींची माहिती घेत असतांना पोनि/ दिनेश आहेर स्था.गु.शा. यांना गुप्त बातमीदारामार्फत तीन महिला तारकपुर बस स्टँड या ठिकाणी चोरी केलेले सोन्याचे दागिने घेवुन येणार असलेबाबत माहिती मिळाली. त्यावेळी पोनि/श्री.दिनेश आहेर यांनी प्राप्त माहिती पथकास कळवुन खात्री करुन कारवाई करणे बाबत आदेश दिले.पोलीस पथकाने तारकपुर बसस्टँड या ठिकाणी जावुन सापळा रचुन थांबले असता तारकपुर बसस्टँड या ठिकाणी तीन महिला संशयीतरित्या थांबलेल्या दिसुन आल्या.पोलीस पथकास त्यांचा संशय आल्याने त्यांना ताब्यात घेतले. ताब्यात घेतलेल्या महिलांची माहिला पोलीस अंमलदार यांचे मार्फतीने झडती घेता त्यांचे जवळ असलेल्या पिशव्यामध्ये 2,38,000/- रुपये त्यामध्ये सोन्याचे दागिने व रोख रक्कम असे मिळुन आले.
सदर महिलांना त्यांचे कडील रोख रक्कम व दागिण्याबाबत विचारपुस करता त्यांनी अहमदनगर जिल्ह्यातील नेवासा,जामखेड,पारनेर येथील बसस्थानकामध्ये गर्दीचा फायदा घेवुन चोरी केलेले असलेबाबत सांगितले आहे.सदर महिला यांना पुढील तपासकामी तोफखाना पोलीस ठाणे या ठिकाणी हजर करण्यात आले असुन पुढील तपास तोफखाना पोलीस ठाणे करीत आहोत. हि कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक, व श्री.अनिल कातकाडे उपविभागीय पोलीस अधिकारी नगर शहर विभाग यांचे सुचना व मार्गदर्शनाखाली स्थानिक गुन्हे शाखेचे पोहेकॉ/सुनिल चव्हाण,संदीप पवार,अतुल लोटके,पोना/रविंद्र कर्डीले, संतोष खैरे,पोकॉ/भाऊसाहेब काळे,अमोल कोतकर, मेघराज कोल्हे,मपोकॉ/सोनाली साठे यांनी केलेली आहे.