केडगावमध्ये बिबट्याची दहशत

अहमदनगर (दि.२४ प्रतिनिधी):-नगर शहरातील केडगाव येथील शाहूनगर परिसरात दुपारच्या सुमारास बिबट्या आढळून आल्याने परिसरात एकच मोठी खळबळ उडाली होती.दोन नागरिकावर बिबट्याने हल्ला केल्याने परिसरातील नागरिक चांगलेच धास्तावले आहे.

नागरिकांनी कोतवाली पोलीस स्टेशन कॉल करून पोलिसांना घटनेची माहिती दिली पोलिसांनी तात्काळ दखल घेत त्या ठिकाणी धाव घेतली.या घटनेने वनविभाग सतर्क झाला असून पोलिसांकडून नागरिकांना घराबाहेर न पडण्याचे आवाहन करण्यात येत आहे. नागरिकांकडून माहिती मिळताच वनविभागाची एक टीम घटनास्थळी पोहोचली.

पोलिसांनी बघ्यांची गर्दी पांगवत परिसर रिकामा केला. त्यानंतर वनविभाचं बचाव दल घटनास्थळी पोहोचलं आहे.नागरिकांनी त्या ठिकाणी पिंजरा लावण्याची सातत्याने मागणी होत आहे