अहमदनगर (दि.१ एप्रिल):-एमआयडीसी हद्दीत नागापुर येथील चौकात विनापरवाना अवैध्यरित्या धारधार तलवार बाळगणाऱ्या आरोपीस एमआयडीसी पोलिसांनी १ एप्रिल रोजी अटक केली आहे. एमआयडीसी पोलीस ठाण्याचे सपोनि/माणिक चौधरी यांना गुप्त बातमीदारामार्फत बातमी मिळाली की राहुल नितीन साबळे (रा.बोल्हेगाव ता.जि.अहमदनगर) याचे कडे एक अवैध्यरित्या लोखंडी धारधार तलवार आहे यावरुन एमआयडीसी पोलीस स्टेशनचे पथक तयार करुन त्या इसमास नागापुर येथून ताब्यात घेतले.
ताब्यात घेतल्यावर त्याची झडती घेतली असता त्याचे जवळ एक धारधार लोखंडी तलवार मिळुन आली.ती तलवार त्याचे कडुन जप्त करुन या इसमाविरुदध एमआयडीसी पोस्टे गु रजि.३२४/२०२४ भारतीय हत्यार कायदा कलम ४/२५ प्रमाणे गुन्हा दाखल करण्यात आला असून पुढील कारवाई एमआयडीसी पोलीस करत आहेत.
सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.संपतराव भोसले उपविभागीय पोलीस अधिकारी नगर ग्रामीण विभाग यांचे मार्गदर्शानाखाली सपोनि/माणिक बी.चौधरी, पोसई/परदेशी,पोहेकॉ/ नंदकिशोर सांगळे,पोहेकॉ/ राजु सुद्रिक,पोना/विष्णु भागवत,पोकॉ/किशोर जाधव,पोकॉ/नवनाथ दहिफळे,मोबाईल सेलचे पोकॉ/राहुल गुंडु यांनी केली आहे.