अहमदनगर (दि.१७ एप्रिल):-शहरातील कोतवाली पोलीस ठाणे हद्दीत झेंडीगेट येथून महाराष्ट्र राज्यात बंदी असलेले २५ लाख ६८ हजार ४०० रुपये किंमतीचे गोमांस जप्त करून जिवंत जनावरांना स्थानिक गुन्हे शाखेच्या पथकाने जीवदान दिले आहे.
स्थानिक गुन्हे शाखेचे पथक गोमास वाहतुक व विक्री करणा-या इसमांची माहिती घेत असताना पथकास व्यापारी मोहल्ला झेंडीगेट येथे सरकारी शौचालया जवळ, जनावरांची कत्तल करण्याची मनाई असताना देखील गोवंशी जातीचे जिवंत जनावरांची कत्तल करुन गोमास टेम्पोमध्ये भरतात व गोवंशी जातीची काही जिवंत जनावरे कत्तल करण्याचे उद्देशाने निर्दयतेने जवळच असलेल्या शेडमध्ये डांबुन ठेवलेली आहेत आता गेल्यास मिळुन येईल अशी खात्रीशीर माहिती मिळाल्याने पथकाने लागलीच बातमीतील नमुद ठिकाणी जावुन खात्री करता सदर ठिकाणी काही इसम एका टेम्पोमध्ये गोमास भरताना दिसले व एका पांढरे रंगाचे पिकअप गाडीमध्ये जनावरे असल्याचे दिसले.पथकाने अचानक छापा घालुन काही इसमांना जागीच पकडले.
ताब्यात घेतलेल्या ६ आरोपीचे कब्जातुन ७ लाख ९८,०००/- हजार रुपये किंमतीचे २,६६० किलो वजनाचे गोमास,७,७०,०००/- रुपये किंमतीची ११ मोठी जिवंत जनावरे ६,००,०००/- रुपये किंमतीचा १ पांढरे रंगाचा महिंद्रा पिकअप ४०,०००/- रुपये किंमतीचा १ अशोक लेलँड कंपनीचा टेम्पो व ४००/- रुपये किंमतीची लोखंडी सुरी व सत्तुर असा एकुण २५,६८,४००/-रुपये किंमतीचा मुद्देमाल मिळुन आल्याने सर्व मुद्देमाल जप्त करुन आरोपी विरुध्द कोतवाली पो.स्टे.गु.र.नं. 498/2024 भादविक 269, 429, 34 सह महाराष्ट्र पशुसंरक्षण अधिनियम कलम 5 (अ), (ब), (क), 9 व प्राण्यांना निर्दयतेने वागवीनेचे कलम 3,11 प्रमाणे गुन्हा दाखल करण्यात आला असुन.
पुढील तपास कोतवाली पोलीस स्टेशन करीत आहे.सदरची कारवाई श्री.राकेश ओला पोलीस अधीक्षक,श्री.प्रशांत खैरे अपर पोलीस अधीक्षक,श्री.अमोल भारती उपविभागीय पोलीस अधिकारी नगर शहर विभाग यांचे मार्गदर्शना खाली स्थानिक गुन्हे शाखेचे पोलीस निरीक्षक दिनेश आहेर यांच्या सूचनेनुसार पोउपनि/तुषार धाकराव, अंमलदार भाऊसाहेब काळे, बापुसाहेब फोलाणे,संदीप पवार,सचिन अडबल,संतोष लोढे,संतोष खैरे,रविंद्र घुगांसे, शिवाजी ढाकणे,रोहित मिसाळ,रणजित जाधव, यांनी केलेली आहे.