धारदार लोखंडी कोयता घेऊन दहशत निर्माण करणाऱ्यास एमआयडीसी पोलिसांनी ठोकल्या बेड्या

नगर प्रतिनिधी:-नागापूर येथे विनापरवाना अवैधरित्या धारदार लोखंडी कोयता घेऊन दहशत निर्माण करणाऱ्यास एमआयडीसी पोलिसांनी जेरबंद केले आहे.बातमीची हकीकत आशिकी, एमआयडीसी पोलीस ठाण्याचे सपोनी/माणिक चौधरी यांना गुप्त बातमी दारामार्फत माहिती मिळाली की एक तरुण हातात धारदार कोयता घेऊन नागापूर परिसरात दहशत निर्माण करत आहे.

यावरून सपोनी/चौधरी यांनी पोलीस स्टेशनचे एक पथक तयार करून त्या तरुणावर कारवाई करण्यास पथकास सांगितले.पथक नागापूर परिसरात शोध घेत असताना चक्रधर स्वामी मंदिर परिसरातून पोलीस पथकाने त्या तरुणास ताब्यात घेतले ताब्यात घेऊन त्यास त्याचे नाव विचारले असता त्याने त्याचे नाव आशिष उर्फ अंतवन पाटोळे असे सांगितले.

पकडलेल्या तरुणाकडून एक धारदार कोयता जप्त करण्यात आला असून सदर तरुणा विरुद्ध एमआयडीसी पोलीस ठाण्यात गुरनं ५११/२०२४ भादवीक ४/२५ प्रमाणे गुन्हा दाखल करण्यात आला आहे.ही कारवाई जिल्हा पोलीस अधीक्षक राकेश ओला,अप्पर पोलीस अधीक्षक प्रशांत खैरे, उपविभागीय पोलीस अधिकारी नगर ग्रामीण विभाग संपतराव भोसले यांच्या मार्गदर्शनाखाली एमआयडीसी पोलीस ठाण्याचे सपोनी/माणिक चौधरी यांच्या सूचनेनुसार पोहेकॉ/नंदकुमार सांगळे,पोहेकॉ/राजू सुद्रिक,पोना/विष्णू भागवत,पोकॉ/किशोर जाधव,पोकॉ/नवनाथ दहिफळे व मोबाईल सेलचे पोकॉ/राहुल गुंडू यांनी केली आहे.