साळवे क्लासेसच्या वतीने आयोजित वृक्षदिंडीत ‘वाढदिवसाचा करू नका लाड,पण अंगणात लावा एक तरी झाड’ म्हणत विद्यार्थ्यांची नागरिकांना आर्त साद 

अहमदनगर (दि.१५ जुलै):-शहरातील नागापूर येथील साळवे क्लासेसच्या वतीने आयोजित वृक्षदिंडीत विद्यार्थी विठ्ठल व रुक्मिणीच्या रूपात तसेच वारकरी म्हणून सहभागी झाले होते.

या दिंडीच्या वेळी विद्यार्थ्यांनी विठुरायाच्या गजरात लेझीम,रिंगण, फुगडी खेळून उपस्थितांचे मनोरंजन केले.यावेळी विद्यार्थ्यांनी “नको आम्हाला गाडी बंगले,आम्हाला हवीत हिरवीगार जंगले” अशा घोषणा देऊन पालकांची व नागरिकांची समजूत काढली.त्याच बरोबर “वाढदिवसाचा करू नका लाड,पण अंगणात लावा एक तरी झाड “अशी आगळी वेगळी विनंती ही समाजाला केली.

या दिंडीत क्लासच्या बालगोपाळांबरोबरच पालक व वयोवृद्ध नागरिक ही मोठ्या प्रमाणात सहभागी झाले होते.दिंडी यशस्वीरित्या पार पाडण्यासाठी साळवे क्लासेसच्या संचालिका सौ.भारती संघर्ष साळवे,सुप्रिया बोरा, अर्पिता कांबळे, छाया महाजन आदींनी परिश्रम घेतले तर भावेश मेडिकलच्या नाईक दांपत्यांनी विद्यार्थ्यांना अल्पोहार दिला.