दरोड्याच्या तयारीत असलेल्या सशस्त्र टोळीला पकडण्यासाठी पोलिसांनी लावला असा सापळा 

अहमदनगर (दि.१८ जुलै):-राहुरी पोलिसांनी दरोड्याच्या तयारीत असलेल्या ७ सशस्त्र आरोपी विरुद्ध गुन्हा दाखल केला असून या पैकी ५ आरोपीना दरोड्यासाठी वापरलेल्या वाहन व हत्यारांसह पोलिसांनी अटक केले आहे.

राहुरी पोलीस स्टेशनच्या रात्रगस्त करणाऱ्या पथकास माहिती मिळाली की,गुहा परिसरामध्ये काही संशयीत लोक टाटा कंपनीची पांढऱ्या रंगाची मालवाहतूक गाडी व मोटरसायकलने येऊन दरोड्याच्या तयारीने टेहळणी करत आहे. सदर माहितीच्या अनुषंगाने राहुरी पोलीस स्टेशन चे रात्रगस्त अधिकारी/कर्मचारी यांनी व डीबी पथकाने समन्वय साधून माहिती मिळालेल्या ठिकाणी सापळा रचून कारवाई केली असता या ठिकाणी एकूण ७ संशयीत इसमा पैकी मोटरसायकल वरील तीन इसम मोटरसायकलने पळून गेले.

जागेवर सापडलेल्या ४ इसमांना पकडले सुखदेव रामदास खिलदकर रा.नांदूर ता.आष्टी,जिल्हा बीड,साहिल सिकंदर सय्यद रा.नांदूर ता.आष्टी जिल्हा बीड,अरुण बाळासाहेब बर्डे रा.कुरणवाडी ता.राहुरी जिल्हा अहमदनगर, सोमनाथ रामदास गायकवाड रा.कुरणवाडी ता.राहुरी जिल्हा अहमदनगर,असून त्यांचे ताब्यात धारदार शस्त्र, दोऱ्या,स्क्रू ड्रायव्हर,वेगवेगळे पान्हे,केबल कटर,लोखंडी कत्ती,लाइटर असे साहित्य मिळून आले. सापळा रचून थांबलेल्या एका पथकातील टीमने मोटरसायकल वर पळून गेलेल्या आरोपींचा पाठलाग केला असता सदर मोटर सायकल स्वार याचे मोटरसायकल वरील नियंत्रण सुटल्याने ते तिघेही तिथे पडले असता पोलीस पथकाने धाव घेऊन लागली त्यांना ताब्यात घेण्याचा प्रयत्न केला असता त्यातील आरोपी याला मार लागलेला असल्याने तो पळून जाऊ शकला नाही.त्यास ताब्यात घेवून त्याचे नावगाव विचारले असता त्याने त्याचे नाव शक्तिमान रामदास गायकवाड रा.कुरणवाडी तालुका राहुरी जिल्हा अहमदनगर असल्याचे सांगून इतर दोन पळून गेलेल्या आरोपींची नावे बाळू लहानु गायकवाड व नवनाथ तुकाराम पवार असल्याचे सांगितले.

नमूद सातही आरोपींना विरुद्ध भारतीय न्याय संहिता कलम 310 (4)(5) प्रमाणे गुन्हा दाखल करण्यात आलेला आहे. सदर कारवाई जिल्हा पोलीस अधीक्षक श्री.राकेश ओला,श्री.वैभव कुलुबर्मे अपर पोलिस अधीक्षक,श्री.बसवराज शिवपूजे उपविभागीय पोलीस अधिकारी श्रीरामपुर विभाग यांच्या मार्गदर्शनाखाली राहुरी पोलीस ठाण्याचे पोलीस निरीक्षक श्री.संजय आर.ठेंगे यांच्या सूचनेनुसार सपोनी/देवेंद्र शिंदे,सपोनी/रविंद्र पिंगळे,पोलीस उपनिरीक्षक/धर्मराज पाटील,चालक पोलीस हवालदार शाकुर सय्यद , पोलीस नाईक/प्रवीण अहिरे,पोलीस हवालदार सुरज गायकवाड,राहुल यादव,प्रवीण बागुल , विकास साळवे,सतीश आवारे,बाबासाहेब शेळके,पोलीस कॉन्स्टेबल प्रमोद ढाकणे, अंकुश भोसले,सतीश कुऱ्हाडे,सचिन ताजणे, आदिनाथ पाखरे,नदीम शेख,गोवर्धन कदम, रोहित पालवे,गणेश लिपणे,अमोल भांड पोलीस नाईक मोबाईल सेल श्रीरामपुरचे पोना/सचिन धनाड,पोना/संतोष दरेकर यांनी केली आहे पुढील तपास सहाय्यक पोलीस निरीक्षक श्री.रविंद्र पिंगळे हे करत आहेत.