पतंग उडविताना तरुण तिसऱ्या मजल्यावरून तोल जाऊन खाली कोसळल्याने गंभीर जखमी

श्रीरामपूर प्रतिनिधी (दि.१५ जानेवारी):- मकर संक्रांतीदिनी श्रीरामपूर येथील मोरगे वस्ती भागामध्ये पतंग उडविताना भूषण शरद परदेशी नावाचा तरुण तिसऱ्या मजल्यावरून तोल जाऊन खाली कोसळल्याने तरुण गंभीर जखमी झाल्याची घटना घडली आहे.त्याला नगर येथे उपचाराकरिता हलविण्यात आले आहे. त्याच्या प्रकतीविषयी चिंता व्यक्त होत आहे.जखमी तरुण हा बावीस वर्षे वयाचा आहे. त्याला प्रारंभी श्रीरामपूर शहरातील साखर कामगार रुग्णालयात उपचाराकरिता स्थानिक लोकांनी हलविले होते.मात्र तेथे प्राथमिक उपचार घेतल्यानंतर भूषण याला तातडीने नगरला पाठविण्यात आले.भूषण हा अपघातात गंभीर जखमी झाल्याची माहिती आहे. सायंकाळी पाच दरम्यान ही घटना घडली.तो मित्रांसमवेत गच्चीवरून पतंग उडवित असताना तोल जाऊन इमारतीच्या तिसऱ्या मजल्यावरून खाली जमिनीवर कोसळला.