छत्रपती शिवाजी महाराज,महात्मा ज्योतिबा फुले,डॉ.बाबासाहेब आंबेडकर यांच्या पुतळ्यांना पुष्पहार घालून महायुतीचे उमेदवार आ.संग्राम जगताप यांची प्रचाराला सुरुवात
अहिल्यानगर प्रतिनिधी:-महायुतीचे उमेदवार आमदार संग्राम जगताप यांच्या प्रचाराचा शुभारंभ शहराचे दैवत श्री विशाल गणपतीची आरती करून तसेच छत्रपती शिवाजी महाराज,महात्मा ज्योतिबा फुले,डॉ. बाबासाहेब आंबेडकर यांच्या पुतळ्यांना पुष्पहार घालून अभिवादन करून प्रचाराला सुरुवात करण्यात आली.
व माळीवाडा परिसरात भव्य अशी प्रचार फेरी काढण्यात आली यावेळी मोठ्या प्रमाणात महिला व पुरुषांची संख्या होती.
माळीवाडा परिसरात ठीक ठिकाणी रांगोळ्या काढून व जेसीबीच्या सहाय्याने पुष्पवृष्टी करून आमदार संग्राम जगताप यांचे स्वागत करण्यात आले.
अहिल्यानगर नगर विधानसभा मतदारसंघातून तिसऱ्यांदा निवडणूक लढवत आहे.मागील दहा वर्षांमध्ये केलेली विकास कामे व जनतेच्या सुखदुःखात सामील होत थेट संपर्क ठेवला असल्यामुळे ऋणानुबंध निर्माण झाले असून आता माझी निवडणूक थेट जनतेनेच हाती घेतली आहे.माळीवाडा परिसरातील नागरिकांचे आशीर्वाद घेण्यासाठी गेलो असता मोठ्या उत्साहात स्वागत करण्यात आले.जनतेचे प्रेम पाहून माझा विजय निश्चित झाला आहे.
त्यामुळे तिसऱ्यांदा नगरकरांची सेवा करण्याची संधी मिळणार आहे.विकास कामांच्या मुद्द्यावर निवडणूक लढवत असून केलेली विकास कामे नागरिकांच्या घरापर्यंत घेऊन जाण्यास यशस्वी झालो आहे.नागरिकांनी दिलेल्या मतरूपी आशीर्वादाच्या माध्यमातून नगरकरांची सेवा करण्यासाठी ऊर्जा व प्रेरणा मिळत आहे असे प्रतिपादन आमदार संग्राम जगताप यांनी केले.