अहिल्यानगर (दि.३० प्रतिनिधी):-नेवासा शहरामध्ये मावा व सुगंधीत तंबाखु विक्री करणाऱ्या 2 ठिकाणी
स्थानिक गुन्हे शाखेने कारवाई करत आरोपीकडून 3 लाख 18,800/-रूपये किंमतीचा मुद्देमाल जप्त केला आला आहे.जिल्हा पोलीस अधीक्षक श्री.राकेश ओला यांनी स्थानिक गुन्हे शाखेला जिल्ह्यामध्ये अवैध व्यावसायिकांवर कारवाई करणेबाबत आदेश दिलेले आहेत.
नमुद आदेशाप्रमाणे सपोनि/हेमंत थोरात, अतिरीक्त कार्यभार यांनी स्थानिक गुन्हे शाखा व तपास पथकातील पोसई/तुषार धाकराव व पोलीस अंमलदार ज्ञानेश्वर शिंदे,गणेश लोंढे,संदीप दरंदले, सोमनाथ झांबरे,विशाल तनपुरे,बाळासाहेब गुंजाळ,किशोर शिरसाठ व अरूण मोरे अशांचे पथक तयार करून नेवासा पोलीस स्टेशन हद्दीत अवैध व्यावसायिकांची माहिती काढुन त्यांचे विरुध्द कारवाई करणेबाबत सुचना देऊन पथक रवाना केले होते.दि. 29 डिसेंबर रोजी पथकातील पोलीस अंमलदार यांनी नेवासा पोलीस स्टेशन हद्दीमध्ये महाराष्ट्र राज्यात विक्रीस प्रतिबंध असलेली व शरीरास अपायकारक होईल अशा खादयपदार्थ सुगंधीत तंबाखु विक्री करणाऱ्या इसमांची माहिती घेत असताना, बातमीदाराकडून मिळालेल्या माहितीवरून,पंचासमक्ष 02 वेगवेगळया ठिकाणी छापे टाकुन कारवाई केली.
त्यामध्ये नेवासा पोलीस स्टेशनला खालीलप्रमाणे 2 गुन्हे दाखल करण्यात आले आहेत.आरोपीचे ताब्यातुन 3,18,800/- रूपये किंमतीचा मुद्देमाल त्यात सुगंधीत मावा,सुगंधीत तंबाखु, मावा तयार करण्यासाठी लागणारे मशीन असा मुद्देमाल जप्त करण्यात आलेला आहे.सदरची कारवाई श्री.राकेश ओला पोलीस अधीक्षक, अहिल्यानगर,श्री.वैभव कलुबर्मे अपर पोलीस अधीक्षक श्रीरामपूर व श्री.सुनिल पाटील, उपविभागीय पोलीस अधिकारी,शेवगाव उपविभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.