बनावट चलनी नोटांचा पर्दाफाश..नगर तालुका पोलीसांची कारवाई.. महागड्या थार गाडीतून करायचे बनावट नोटांचा व्यवहार..दोघे अटकेत
अहिल्यानगर (प्रतिनिधी):-नगर तालुका पोलीस ठाण्याचे सहाय्यक पोलीस निरीक्षक प्रल्हाद गिते यांना गोपनीय माहीती मिळाली कि,रूईछत्तीशी ता.जि.अहिल्यानगर गावात बायपास रोड येथे दोन इसम एका महिंद्रा कंपनीची थार गाडीमधून बनावट भारतीय चलनी नोटा कब्जात बाळगून त्या ख-या आहेत असे भासवून व्यवहार करण्याकरीता येत असले बाबत खात्रीशीर माहीती मिळाल्याने सपोनी.प्रल्हाद गिते यांनी तात्काळ पोहेकाँ /471 खंडेराव संताजी शिंदे, व चासफो/दिनकर बाबुराव घोरपडे अशांना बोलावून घेऊन बातमीतील हकीकत समजावून सांगून कारवाई करणे कामी दोन पंचांना बोलावून घेऊन कारवाई करणे बाबत सुचना दिल्या.
वरील स्टाफ सरकारी वाहनाने रूईछत्तीशी गावात जावून सापळा लावला तेव्हा त्यांना बातमीतील नमूद वाहन हे येताना दिसले तेव्हा सपोनी प्रल्हाद गिते व वरील स्टाफ अशांनी सदर वाहनास थांबण्यास इशारा करून वाहन रस्त्याच्या कडेले घेतले तेव्हा सपोनी प्रल्हाद गिते यांनी सदर वाहनातील इसमांना त्यांचे नाव गाव विचारले असता त्यांनी त्याचे नाव सोमनाथ माणीक शिंदे वय 25 वर्षे रा. तपोवन रोड ता.जि.अहिल्यानगर,निखील शिवाजी गांगर्ड वय 27 वर्षे रा. कुंभळी ता. कर्जत जि. अहिल्यानगर असे असल्याचे सांगीतले त्यांना सपोनी गिते यांनी त्यांची व पंचांची ओळख सांगून वाहनाची व त्यांची अंगझडती घेण्याचा उद्देश सांगीतला असता त्यानी अंगझडती देण्यास नकार दिला तेव्हा दोन पंचासमक्ष सपोनी प्रल्हाद गिते यांनी त्यांची अंगझडती व वाहनाची झडती घेतली असता त्यांचे ताब्यात हुबेहुब भारतीय चलनाच्या 500/- रूपये दराच्या बनावट 160 नोटा त्यांची किं.80,000/- मिळून आल्या व 2870/- ख-या भारतीय चलनाच्या नोटा मिळून आल्या तसेच त्यांची अंगझडती मध्ये 03 अॅन्ड्रॉईड मोबाईल व महींद्रा कंपनीची थार गाडी मिळून आली वरील दोन इसमांकडून एकूण 17,37,870/- रू किं चा मुद्देमाल जप्त करून त्यांचे विरूद्ध नगर तालूका पो स्टे गुर नं 628/2025 भा न्या स कलम 2023 चे कलम 179,180,3(5) प्रमाणे पोहेकाँ/471 खंडेराव संताजी शिंदे यांनी गुन्हा दाखल केला असून पुढील तपास पोसई/भरत बाजीराव धुमाळ हे करीत आहेत.
सदरची कारवाई पोलीस अधिक्षक श्री. सोमनाथ घार्गे,अपर पोलीस अधिक्षक श्री.वैभव कलुबर्मे, उपविभागीय पोलीस अधिकारी श्री.अमोल भारती यांचे मार्गदर्शनाखाली सपोनी.श्री. प्रल्हाद गिते,पोहेकाँ/471 खंडेराव संताजी शिंदे,चासफौ/दिनकर बाबुराव घोरपडे यांनी केली आहे.