🔥crime “स्वस्तामध्ये सोने देतो आमिष दाखवून दरोडा..तब्बल १५ लाखांची लूट..स्थानिक गुन्हे शाखेची धडक कारवाई गावठी कट्ट्यासह आरोपी जेरबंद..!

🔥crime “स्वस्तामध्ये सोने देतो आमिष दाखवून दरोडा..तब्बल १५ लाखांची लूट..स्थानिक गुन्हे शाखेची धडक कारवाई गावठी कट्ट्यासह आरोपी जेरबंद..!

अहिल्यानगर (प्रतिनिधी) – “स्वस्तामध्ये सोने देतो” अशी गोड बोलणी करत विश्वास संपादन करून नेवासा परिसरात थरारक दरोडा टाकणाऱ्या टोळीचा पर्दाफाश करण्यात स्थानिक गुन्हे शाखेला मोठे यश मिळाले आहे. या कारवाईत आरोपींकडून ६,६५,०००/- रुपये किमतीचा मुद्देमाल जप्त करण्यात आला असून गावठी कट्टा व जिवंत काडतुसेही हस्तगत करण्यात आली आहेत.या प्रकरणातील फिर्यादी अरविंद सिध्दप्पा हलसांगी रा. लेन नं. 02, गणेशनगर, नारायण अपार्टमेंट, वाघोली, जि. पुणे यांना दिनांक 25/02/2026 रोजी दुपारी 03.00 वा. सुमारास शेख उर्फ बंट्टी संजय पाडळे रा. देवगाव ता. नेवासा याने विश्वासात घेतले. त्यानंतर किरण काळे रा. नेवासा तसेच 8 ते 10 इसमांनी संगनमत करून “स्वस्तात सोने देतो” असे सांगत फिर्यादी व त्यांचे मित्र आदित्य नागटिळे व अशोक शहाणे यांना नेवासा येथील श्रीरामपूर रोडवर हॉटेल शिवम जवळ कच्च्या रस्त्याने उजव्या बाजूस कांद्याच्या चाळीत बोलावले.

तेथे आरोपींनी काठीने व लाथाबुक्यांनी मारहाण करून काठी, धारदार शस्त्र व पिस्तुलाचा धाक दाखवत फिर्यादीकडील रोख रक्कम, ऍप्पल कंपनीचा मोबाईल, तसेच मित्रांकडील 2 विवो मोबाईल व 2 सोन्याच्या अंगठ्या असा एकूण 15,65,000/- रुपये किमतीचा मुद्देमाल जबरदस्तीने लुटला.या घटनेबाबत नेवासा पोलीस ठाणे गु.र.नं. 163/2026 भारतीय न्याय संहिता 2023 चे कलम 310 (2) प्रमाणे गुन्हा दाखल करण्यात आला आहे. श्री.सोमनाथ घार्गे, पोलीस अधीक्षक अहिल्यानगर यांनी आरोपींना तात्काळ ताब्यात घेण्याचे आदेश श्री किरणकुमार कबाडी, पोलीस निरीक्षक, स्थानिक गुन्हे शाखा अहिल्यानगर यांना दिले. त्यानुसार पो.नि. किरणकुमार कबाडी यांच्या नेतृत्वाखाली हरिष भोये, पोलीस अंमलदार सोमनाथ झांबरे, दिपक घाटकर, फुरकान शेख, बिरप्पा करमल, बाळासाहेब नागरगोजे, भिमराज खर्से, बाळासाहेब खेडकर, किशोर शिरसाठ, भाऊसाहेब काळे, अमोल कोतकर, प्रशांत राठोड, महिला पोलीस अंमलदार सोनल भागवत तसेच चालक भगवान धुळे व अरुण मोरे यांचे विशेष पथक तयार करण्यात आले.दिनांक 28/02/2026 रोजी गुप्त बातमीदारामार्फत शेखर उर्फ बंट्टी संजय पाडळे हा नेवासा – माळी चिंचोरा फाटा परिसरात येणार असल्याची माहिती मिळाली. पथकाने तात्काळ सापळा रचून संशयित दोन इसमांना ताब्यात घेतले. चौकशीत त्यांनी आपली नावे शेखर उर्फ बंट्टी संजय पाडळे वय 32 वर्षे रा. देवगाव ता. नेवासा, जि. अहिल्यानगर किरण बंडु काळे वय 29 वर्षे रा. नागफनीवस्ती नेवासा ता. नेवासा जि. अहिल्यानगर अशी सांगितली.

सखोल तपासात शेखर उर्फ बंट्टी संजय पाडळे याने गुन्ह्याची कबुली देत त्याचे साथीदार

3) भाऊसाहेब छगन भोसले रा. नेवासा फाटा ता. नेवासा

4) सचिन उर्फ गटण्या पवार रा. खळवाडी नेवासा खुर्द ता. नेवासा

तसेच 8 ते 9 अनोळखी साथीदारांसह गुन्हा केल्याचे सांगितले.

आरोपींच्या ताब्यातून 35,000/- रुपये किमतीचा एक गावठी कट्टा (अग्निशस्त्र) व दोन जिवंत काडतुसे, 30,000/- रुपये किमतीचा एक मोबाईल आणि 6,00,000/- रुपये रोख रक्कम असा एकूण 6,65,000/- रुपये किमतीचा मुद्देमाल जप्त करण्यात आला आहे.आरोपी किरण बंडु काळे याच्याविरुद्ध यापूर्वी नेवासा, राहाता, कोपरगाव तालुका, एमआयडीसी (अहिल्यानगर) तसेच गंगापुर (जि. छत्रपती संभाजीनगर) येथे खून, दरोडा, घरफोडी, आर्म ऍक्ट आणि मोक्का अंतर्गत गंभीर गुन्हे दाखल असल्याचे उघड झाले आहे.आरोपींना पुढील तपासासाठी नेवासा पोलीस ठाण्यात हजर करण्यात आले असून पुढील तपास नेवासा पोलीस ठाणे करीत आहेत.