🏏 मुळा कारखाना सोनई येथे हिंदू नाथपंथी डवरी गोसावी चषक क्रिकेट स्पर्धेचा थरार..‘श्री शेगर ग्रुप चांदा’चा दमदार विजय..!

🏏 मुळा कारखाना सोनई येथे हिंदू नाथपंथी डवरी गोसावी चषक क्रिकेट स्पर्धेचा थरार..‘श्री शेगर ग्रुप चांदा’चा दमदार विजय..! उदयनजी गडाख यांचे मोलाचे मार्गदर्शन

सोनई (प्रतिनिधी):- बाबाजी शेगर (घोडेगाव) यांच्या स्मरणार्थ मुळा साखर कारखाना, सोनई येथे आयोजित करण्यात आलेल्या “हिंदू नाथपंथी डवरी गोसावी चषक 2026” भव्य टेनिस बॉल क्रिकेट स्पर्धा उत्साहात व शांततेत पार पडल्या.उदयन गडाख यांच्या मार्गदर्शनाखाली 4 ते 5 मार्च 2026 या कालावधीत ही स्पर्धा पार पडली.नाथपंथी डवरी गोसावी समाजातील खेळाडूंना प्रोत्साहन देण्यासाठी आयोजित करण्यात आलेल्या या स्पर्धेत A ग्रुप (शहर) आणि B ग्रुप (ग्रामीण) अशा दोन गटांमध्ये सामने खेळविण्यात आले. दोन दिवस चाललेल्या या स्पर्धेत खेळाडूंनी उत्कृष्ट कामगिरी करत क्रिकेटप्रेमींना रोमांचक सामने पाहायला मिळाले.

स्पर्धेतील अंतिम निकाल पुढीलप्रमाणे जाहीर करण्यात आला 

🏆 प्रथम पारितोषिक : श्री शेगर ग्रुप, चांदा – ₹51,000 रोख, कप व सन्मानचिन्ह

🥈 द्वितीय पारितोषिक : छत्रपती शिवाजी महाराज क्रिकेट क्लब, इंदापूर – ₹21,000 रोख, कप व सन्मानचिन्ह

🥉 तृतीय पारितोषिक : काळभैरवनाथ क्रिकेट क्लब, काष्टी – ₹11,000 रोख, कप व सन्मानचिन्ह

स्पर्धेचा बक्षीस वितरण समारंभ शांततेत व उत्साहात पार पडला. समाजातील वरिष्ठ, अधिकारी, गुरुजन व मित्रपरिवार यांच्या सहकार्यामुळे स्पर्धा यशस्वी झाल्याचे आयोजकांनी सांगितले. गेल्या 13 वर्षांपासून सातत्याने ही क्रिकेट स्पर्धा आयोजित करण्यात येत असल्याने समाजात या स्पर्धेला विशेष महत्त्व प्राप्त झाले आहे.या स्पर्धेचे आयोजन बाबाभाऊ शिंदे, अजिनाथ शेगर (घोडेगाव), तानाजी शेगर (चांदा), दया सावंत (सोनई), नाना शिंदे (घोडेगाव), सागर शिंदे (चांदा), आबा सावंत (चांदा), शंकर सावंत (सोनई), अनिल सावंत (ब्राम्हणी), मोहन शिंदे (ब्राम्हणी), काशिनाथ चौगुले (घोडेगाव), बापू शिंदे सर (घोडेगाव), नाथा बाबर (सुरेशनगर), पिराजी शिंदे (सोनई) आदी मान्यवरांनी केले होते.स्पर्धा यशस्वी पार पाडण्यासाठी सर्व समाजबांधवांनी दिलेल्या सहकार्याबद्दल आयोजकांनी आभार व्यक्त केले.