बीडमध्ये शिक्षणाधिकारी चव्हाण मॅडम यांचा ‘मुस्लिम सेवा संघातर्फे’ जंगी सत्कार!
शिक्षण क्षेत्रातील योगदानाबद्दल विविध संघटनांच्या उपस्थितीत सोहळा संपन्न
बीड (प्रतिनिधी):-गुणवत्तापूर्ण शिक्षणाचा ध्यास आणि शिक्षक-कर्मचाऱ्यांच्या प्रश्नांविषयी नेहमीच सकारात्मक भूमिका घेणाऱ्या बीड जिल्हापरिषदेच्या प्राथमिक शिक्षण विभागाच्या धडाडीच्या शिक्षणाधिकारी चव्हाण मॅडम यांचा नुकताच ‘मुस्लिम सेवा संघ शिक्षण व इतर कर्मचारी विभाग’ बीडच्या वतीने भव्य सत्कार करण्यात आला.शिक्षण क्षेत्रातील त्यांच्या उल्लेखनीय कार्याचा गौरव करण्यासाठी या विशेष कार्यक्रमाचे आयोजन करण्यात आले होते.विविध संघटनांच्या पदाधिकाऱ्यांची उपस्थिती
अत्यंत उत्साही आणि घरगुती वातावरणात पार पडलेल्या या सत्कार सोहळ्याला शिक्षण क्षेत्रातील अनेक मान्यवरांनी हजेरी लावली होती.यामध्ये प्रामुख्याने मुमताज सय्यद मॅडम,कदम मॅडम,वाघमारे मॅडम आणि खांडे मॅडम यांनी उपस्थित राहून चव्हाण मॅडम यांच्या प्रशासकीय कौशल्याचे आणि मनमिळावू स्वभावाचे कौतुक केले.तसेच,केंद्रीय मुख्याध्यापक कुर्लेकर सर आणि प्रहार शिक्षक संघटनेचे राज्य अध्यक्ष अविनाश तांदळे सर यांनीही या कार्यक्रमाला विशेष उपस्थिती लावून शिक्षणाधिकाऱ्यांच्या कार्याचा गौरव केला.यावेळी बोलताना मुस्लिम सेवा संघाच्या पदाधिकाऱ्यांनी सांगितले की, “चव्हाण मॅडम यांनी पदभार स्वीकारल्यापासून प्राथमिक शिक्षण विभागात अनेक सकारात्मक बदल पाहायला मिळत आहेत.शिक्षक आणि कर्मचाऱ्यांच्या अडीअडचणी सोडवण्यासाठी त्या नेहमीच तत्पर असतात.” प्रहारचे राज्य अध्यक्ष अविनाश तांदळे सर यांनीही चव्हाण मॅडम यांच्या कामाच्या पद्धतीची प्रशंसा करत त्यांच्या पुढील वाटचालीस शुभेच्छा दिल्या.
“हा सत्कार म्हणजे माझ्या कामाला मिळालेली पावती असून, आगामी काळात बीड जिल्ह्यातील प्राथमिक शिक्षणाचा दर्जा अधिक उंचावण्यासाठी आणि शिक्षकांचे प्रश्न प्राधान्याने सोडवण्यासाठी मी कटिबद्ध राहीन.”-चव्हाण मॅडम (शिक्षणाधिकारी,प्राथमिक)
या सत्कार सोहळ्याचे नियोजन मुस्लिम सेवा संघ शिक्षण व इतर कर्मचारी विभागातर्फे करण्यात आले होते.कार्यक्रमाला बीड जिल्ह्यातील विविध शाळांचे शिक्षक,मुख्याध्यापक आणि मोठ्या संख्येने शिक्षक बंधू-भगिनी उपस्थित होते. सर्वांनी पुष्पगुच्छ देऊन आणि शाल-श्रीफळ देऊन चव्हाण मॅडम यांना पुढील वाटचालीसाठी मनःपूर्वक शुभेच्छा दिल्या.कार्यक्रमाची सांगता अत्यंत उत्साहात झाली.