अहिल्यानगर हादरले! मुकुंदनगरमधील खुनाचा थरार;गुन्हा करून पळालेल्या 3 आरोपींना पोलिसांनी हैद्राबादमधून उचलले! २४ तासांत ‘एलसीबी’ची धडक कारवाई
महाराष्ट्र न्यूज 24 (अहिल्यानगर):-मुकुंदनगर येथील दर्गादायरा परिसरात लाईटचे काम करण्यासाठी गेलेल्या तरुणावर लाकडी बल्ल्या आणि लोखंडी पाईपने प्राणघातक हल्ला करून जीवे मारण्याचा प्रयत्न करणाऱ्या सराईत आरोपींच्या मुसक्या आवळण्यात अहिल्यानगर स्थानिक गुन्हे शाखेला (LCB) अवघ्या २४ तासांत मोठे यश आले आहे. गुन्हा घडल्यानंतर थेट तेलंगणातील हैद्राबाद येथे पळून गेलेल्या तीन मुख्य आरोपींसह त्यांना पळून जाण्यास मदत करणाऱ्या एकूण पाच जणांना पोलिसांनी खाक्या दाखवत ताब्यात घेतले आहे.दिनांक ७ ऑगस्ट २०२६ रोजी दुपारी ४:१० वाजेच्या सुमारास फिर्यादी अक्षय कैलास मुळे व धीरज कचरूसिंग रजपूत (परदेशी) हे मुकुंदनगर येथील दर्गादायरा परिसरात लाईटचे काम करत होते. त्यावेळी पूर्ववैमनस्यातून किंवा अचानक आलेल्या टोळक्याने—म्हणजेच मेहराज अस्लम सय्यद, सिराज अस्लम सय्यद, मुस्तकीम अस्लम सय्यद, युनूस शेख आणि त्यांच्या इतर २ ते ३ साथीदारांनी “इसको मार डालो!” असा आरडाओरडा करत धीरज रजपूत यांच्यावर लोखंडी पाईप आणि लाकडी बल्ल्यांनी बेछूट हल्ला चढवला.या प्राणघातक हल्ल्यात धीरज गंभीर जखमी झाले. याप्रकरणी भिंगार कॅम्प पोलीस ठाण्यात भारतीय न्याय संहिता २०२३ च्या कलम १०९ (१), १८९(२), १९०, १९१(२), १९१(३) अन्वये खुनाच्या प्रयत्नाचा गुन्हा दाखल करण्यात आला होता.
घटनेचे गांभीर्य ओळखून अहिल्यानगरचे पोलीस अधीक्षक श्री.मुम्मका सुदर्शन, अपर पोलीस अधीक्षक वैभव कलुबर्मे,उपविभागीय पोलीस अधिकारी दिलीप टिपरसे आणि एलसीबीचे पोलीस निरीक्षक संतोष मुटकुळे यांनी तात्काळ घटनास्थळी भेट दिली. पोलीस अधीक्षक मुम्मका सुदर्शन यांनी आरोपींचा तातडीने शोध घेण्याचे कडक आदेश दिले.त्यानुसार, एलसीबीचे पोलीस निरीक्षक संतोष मुटकुळे यांच्या मार्गदर्शनाखाली सपोनि हरिश भोये, पोउपनि कृष्णकुमार सेदवाड, शिर्डीचे सपोनि कल्पेश चव्हाण आणि अंमलदारांचे विशेष पथक तयार करण्यात आले.तपास सुरू असतानाच तांत्रिक विश्लेषण आणि गुप्त बातमीदाराद्वारे बातमी मिळाली की, आरोपी छ. संभाजीनगर येथून रेल्वेने हैद्राबादला पळून गेले आहेत!टास्क फोर्सच्या मदतीने हैद्राबादमध्ये छापा!मिळालेल्या पक्क्या बातमीच्या आधारे स्थानिक गुन्हे शाखेच्या पथकाने थेट हैद्राबाद (तेलंगणा) गाठले. तेथील ‘कमिशनर टास्क फोर्स’च्या मदतीने अहिल्यानगर पोलिसांनी हैद्राबाद शहरात शोधमोहीम राबवून खालील आरोपींना बेड्या ठोकल्या:मुस्तकीम ख्वाजामिया सय्यद (वय २०, रा. आलमगीर मदरसाजवळ, भिंगार)
मेहराज इब्राहिम सय्यद (वय २२, रा. भिंगार)
सिराज इब्राहिम सय्यद (वय २१, रा. भिंगार),पोलिसांनी ताब्यात घेतलेल्या आरोपींकडे खाक्या दाखवून कसून चौकशी केली असता, त्यांना अहिल्यानगरमधून हैद्राबाद येथे पळून जाण्यासाठी आणि लपण्यासाठी मदत करणाऱ्या दोन साथीदारांची नावे समोर आली.
पोलिसांनी तत्काळ कारवाई करत:ख्वाजामिया उर्फ अकरम याकुब सय्यद (वय ५२, रा. आलमगीर, अहिल्यानगर)
वसीम रहिम सय्यद (वय ४७, रा. फकीरवाडा, मुकुंदनगर) या दोघांनाही निष्काळजीपणे गुन्हेगारांना मदत केल्याप्रकरणी ताब्यात घेतले आहे. सर्व ५ आरोपींना पुढील कायदेशीर कारवाईसाठी भिंगार कॅम्प पोलीस ठाण्याच्या स्वाधीन करण्यात आले आहे.पोलीस अधीक्षक मुम्मका सुदर्शन, अपर पोलीस अधीक्षक वैभव कलुबर्मे, उपविभागीय अधिकारी दिलीप टिपरसे यांच्या मार्गदर्शनाखाली स्थानिक गुन्हे शाखेचे संतोष मुटकुळे, हरिश भोये, कृष्णकुमार सेदवाड, कल्पेश चव्हाण, संदीप पवार, विजय ठोंबरे, फुरकान शेख, गणेश धोत्रे, शाहीद शेख, राहुल डोके, रणजीत जाधव, प्रशांत राठोड, राहुल द्वारके, रमिझराजा आतार, अरूण मोरे, अभिजीत अरकल आणि कैलास राठोड यांनी ही कामगिरी फत्ते केली.