🚨थरारक! कराडच्या ‘या’ रस्त्यावर अवघ्या १० मिनिटांत ७-८ दुचाकीस्वार घसरले..ट्रकच्या चाकाखाली जाता-जाता वाचले प्राण..! नागरिकांचा रस्त्यावर उतरून उग्र आंदोलन करण्याचा इशारा..

🚨थरारक! कराडच्या ‘या’ रस्त्यावर अवघ्या १० मिनिटांत ७-८ दुचाकीस्वार घसरले..ट्रकच्या चाकाखाली जाता-जाता वाचले प्राण..! नागरिकांचा रस्त्यावर उतरून उग्र आंदोलन करण्याचा इशारा..

कराड (विजया माने):-बुधवारची संध्याकाळ कराडमधील काही प्रवाशांसाठी अंगावर काटा आणणारी ठरली.नवीन उद्यान कॉलनीखालील एका रस्त्यावर घडलेला हा थरार पाहून अनेकांच्या काळजाचा ठोका चुकला.पावसामुळे रस्त्याची झालेली अवस्था आणि त्यानंतर घडलेल्या घटना एखाद्या चित्रपटाच्या दृश्यासारख्याच होत्या.पावसामुळे डिव्हायडरमधील माती मोठ्या प्रमाणात रस्त्यावर पसरली, ज्यामुळे रस्ता पूर्णपणे निसरडा आणि धोकादायक बनला.रात्री साडेसातच्या सुमारास अवघ्या १० ते १५ मिनिटांच्या अंतरात एकापाठोपाठ एक तब्बल ७ ते ८ दुचाकीस्वार घसरून खाली पडले.सुदैवाने काही जण धावत्या ट्रकच्या चाकाखाली येण्यापासून थोडक्यात बचावले,मात्र अनेकांच्या डोक्याला,हाताला आणि गुडघ्याला गंभीर दुखापती झाल्या.​घटनेचे गांभीर्य लक्षात घेत नागरिकांनी तातडीने मदत मागितली,मात्र संबंधित अधिकाऱ्यांनी फोन उचलला नाही.

अखेर धावत मदतीला धावले ते कराडचे वाहतूक प्रमुख पोलीस साळुंखे साहेब व स्थानिक सामाजिक कार्यकर्ते त्यांनी तत्काळ पोलीस यंत्रणा घटनास्थळी पाठवून वाहतूक नियंत्रणात आणली.पाचवड फाटा येथील सभेमुळे वाहतूक कोंडीची शक्यता असतानाही जीविताला प्राधान्य देत रस्ता बंद ठेवण्यात आला.अखेर रात्री बारा वाजता हायवेची यंत्रणा आली आणि माती हटवल्यानंतर मोठा अनर्थ टळला.अधिकाऱ्यांना थेट घटनास्थळी आणून ‘रस्ता किती निसरडा आहे’ हे प्रत्यक्ष मातीवर पाय ठेवून दाखवून देण्यात आले.त्यानंतर तात्काळ रस्ता पूर्णपणे स्वच्छ करून धुण्यात आला.परंतु,नागरिकांचा सवाल स्पष्ट आहे.पावसाळ्यात पुन्हा हा धोका उद्भवला तर जबाबदार कोण? प्रशासनाने यावर कायमस्वरूपी तोडगा काढला नाही,तर थेट रस्त्यावर उतरून उग्र आंदोलन करण्याचा इशारा संतप्त नागरिकांनी दिला आहे.