🏆लातूरमध्ये मलकापूरचा डंका! रोटरी क्लबने एकाच रात्री पटकावले तब्बल १३ मानाचे पुरस्कार..

🏆लातूरमध्ये मलकापूरचा डंका! रोटरी क्लबने एकाच रात्री पटकावले तब्बल १३ मानाचे पुरस्कार..
​
कराड (विजया माने):-सेवाभाव,एकजूट आणि सामाजिक बांधिलकीच्या जोरावर रोटरी क्लब ऑफ मलकापूरने संपूर्ण जिल्ह्यात आपल्या नावाचा दणदणीत ठसा उमटवला आहे.डिस्ट्रिक्ट ३१३२ अंतर्गत लातूर येथे पार पडलेल्या रोटरी वर्ष २०२५-२६ च्या भव्य पुरस्कार वितरण सोहळ्यात मलकापूर क्लबने अक्षरशः पुरस्कारांची लुटालूट करत तब्बल १३ मानाचे पुरस्कार आपल्या नावावर कोरले आहेत.या ऐतिहासिक यशामुळे रोटरी क्लब ऑफ मलकापूरच्या शिरपेचात आणखी एक सुवर्णमय तुरा रोवला गेला आहे.​माजी डिस्ट्रिक्ट गव्हर्नर रो.सुधीरजी (लातूर) यांच्या शुभहस्ते हा दिमाखदार सोहळा पार पडला.रोटरी क्लब ऑफ मलकापूरच्या वतीने या पदाधिकाऱ्यांनी हा गौरव स्वीकारला:
​माजी अध्यक्ष: रो. राहुल जामदार
​माजी सेक्रेटरी: रो. विजय दुर्गावळे
​अध्यक्ष: रो. राजन वेळापूरे
​डिस्ट्रिक्ट डायरेक्टर: रो. सलीम मुजावर
​ट्रेझरर: रो. विलासराव पवार
​मान्यवर सदस्य: रो. भगवानराव मुळीक, रो. सुनील बनसोडे आणि रो. उमेश यादव
​

मलकापूर रोटरीने सामाजिक व आरोग्य क्षेत्रात केलेल्या अफाट कामाची दखल घेत मेडिकल प्रोजेक्ट अवॉर्ड,उत्कृष्ट अध्यक्ष पुरस्कार,बेस्ट क्लब पुरस्कार,बॅलन्स्ड प्रोग्राम क्लब पुरस्कार,बेस्ट फेलोशिप क्लब पुरस्कार,न्यू जनरेशन ॲक्टिव्हिटी अवॉर्ड,क्लब एक्सलन्स अवॉर्ड,डी.जी. सिटेशन अवॉर्ड,पोलिओ प्लस सोसायटी चॅम्पियन क्लब अवॉर्ड,ग्लोबल ग्रँट प्रोजेक्ट (विशेष प्रशंसा पुरस्कार),प्रोग्रेसिव्ह मेंबरशिप ग्रोथ पुरस्कार,महादाता क्लब ट्रॉफी,रोटरॅक्ट क्लब प्रायोजित (विशेष प्रशंसा पुरस्कार) या 
पुरस्कारांनी त्यांना सन्मानित करण्यात आले.एकाच मंचावर मिळवलेल्या या घवघवीत आणि विक्रमी यशाबद्दल रोटरी क्लब ऑफ मलकापूरचे सर्व पदाधिकारी,सदस्य आणि त्यांच्या कुटुंबीयांवर कौतुकाचा आणि अभिनंदनाचा वर्षाव होत आहे.समाजासाठी अविरत काम करण्याची ऊर्जा या पुरस्कारांमुळे आम्हास मिळाली आहे,अशी भावना सर्व सदस्यांनी व्यक्त केली.