🔥गोदावरी नदीपात्रात LCB ची मोठी धाड..! ५ लाखांहून अधिक मुद्देमाल जप्त..वाळूमाफियांमध्ये प्रचंड खळबळ!

🔥गोदावरी नदीपात्रात LCB ची मोठी धाड..! ५ लाखांहून अधिक मुद्देमाल जप्त..वाळूमाफियांमध्ये प्रचंड खळबळ!

महाराष्ट्र न्यूज 24 (अहिल्यानगर):-जिल्ह्यात अवैध धंद्यांविरोधात पोलिसांनी सुरू केलेल्या धडक मोहिमेमुळे वाळूमाफियांचे धाबे दणाणले आहेत.कोपरगाव तालुक्यातील गोदावरी नदीपात्रात गुन्हे शाखेच्या पथकाने अचानक धाड टाकून एक मोठा डाव उधळून लावला.पोलिसांना पाहताच पळून जाण्याच्या तयारीत असलेल्या वाळूमाफियाला स्थानिक गुन्हे शाखेच्या (LCB) सतर्कतेमुळे जागेवरच जेरबंद करण्यात आले.​मिळालेल्या गुप्त माहितीच्या आधारे पोलिसांनी सांगवी भुसार परिसरातील गोदावरी नदीपात्रात अचानक सापळा रचला.वाळूची अवैध वाहतूक करून निघण्याच्या बेतात असतानाच पथकाने थेट ट्रॅक्टरला घेराव घातला.अचानक झालेल्या या कारवाईमुळे परिसरात एकच खळबळ उडाली.​या अचानक केलेल्या कारवाईत विनाक्रमांकाचा ट्रॅक्टर,ट्रॉली आणि अवैध वाळू असा एकूण ५,१०,००० रुपये किंमतीचा मुद्देमाल पोलिसांनी जागीच जप्त केला आहे.या प्रकरणी पोलीस ठाण्यात विविध गंभीर कलमांन्वये गुन्हा दाखल करण्यात आला असून,पुढील तपास वेगाने सुरू आहे.
​

“जिल्ह्यात अवैध वाळू उपसा आणि वाहतूक करणाऱ्यांवर कोणतीही गय न करता कडक कारवाई केली जाईल,” असा स्पष्ट इशारा पोलीस प्रशासनाने दिला आहे. सदरची कारवाई जिल्हा पोलीस अधीक्षक मुम्मका सुदर्शन यांच्या मार्गदर्शनाखाली स्थानिक गुन्हे शाखेचे पोलीस निरीक्षक संतोष मुटकुळे यांच्या सूचनेनुसार पोलीस अंमलदार अतुल लोटके,निळकंठ कारखेले,रणजीत जाधव, योगेश कर्डीले व दिपक जाधव यांनी केली आहे.