पाथर्डी प्रतिनिधी (दि.२९ मार्च):-पाथर्डी तालुक्यातील वैजू बाबुळगाव येथे शेतीच्या वादावरून एका महिलेचा विनयभंग करून शिवीगाळ व मारहाण केल्या प्रकरणी आरोपी विरोधात पाथर्डी पोलिसांनी ॲट्रॉसिटीचा गुन्हा दाखल केला आहे.गुन्हा दाखल होतात कुख्यात गुंड रोहिदास मोरे फरार झाला आहे.ही घटना २४ मार्च २०२३ रोजी घडली असून दिलेल्या फिर्यादीत पीडित महिलेने म्हटले आहे की तुम्हाला वाट्याने कसण्यासाठी दिलेली जमीन माझ्या पतीला फसवून तुमच्या नावे का करून घेतली.आमच्या वाट्याचे धान्य सुद्धा दिले नाही.आता,धान्य आम्हाला देऊन टाका व जमीन परत आमच्या नावावर करून द्या,अशी मागणी केली.यावर आरोपी रोहिदास मोरेने पीडित महिलेला शिवीगाळ व मारहाण करून विनयभंग केला.पाथर्डी पोलीस ठाण्यात पीडित महिलेने दिलेल्या फिर्यादीवरून गुन्हा रजिस्टर नंबर 354,323,504,506,व अनुसूचित जाती-जमाती अत्याचार प्रतिबंधक कायद्यान्वये गुन्हा दाखल करण्यात आला आहे.परंतु गुन्हा दाखल होऊन पाच दिवस उलटले तरी अजून आरोपी रोहिदास मोरे पाथर्डी पोलिसांना सापडेना,पुन्हा एकदा आम्हाला आरोपी मोरे हा कुठेही गाठून मारेल अशी भीती फिर्यादी व फिर्यादीच्या घरच्यांना वाटू लागली आहे.त्यामुळे घटनेतील आरोपीला लवकरात लवकर अटक करावी अशी मागणी फिर्यादीच्या घरच्यांनी केली आहे.