शेवगाव तालुक्यात गुटखा पान मसाला व सुगंधित तंबाखू पकडली एकूण सतरा लाख रुपयांचा मुद्देमाल जप्त स्थानिक गुन्हे शाखेची कारवाई

अहमदनगर प्रतिनिधी(दि.३० मे):-शेवगाव तालुक्यातील भायगाव येथे महाराष्ट्र राज्यात विक्री व वाहतुकीस प्रतिबंधित असलेल्या गुटखा पान मसाला व सुगंधी तंबाखू बेकायदेशीर रित्या वाहतूक करणाऱ्या आरोपीं विरुद्ध कारवाई करून त्यांच्या ताब्यातून 17,35,200 रू.किमतीचा मुद्देमाल स्थानिक गुन्हे शाखेने जप्त केला आहे.घटनेतील सविस्तर माहिती अशी की स्थानिक गुन्हे शाखेचे पोलीस निरीक्षक दिनेश आहेर यांना गुप्त बातमीदार मार्फत माहिती मिळाली की इसम नामे अल्ताफ पठाण राहणार नाईकवाडापुरा तालुका नेवासा हा त्याचे मुलांना मार्फत पांढऱ्या रंगाचे हुंदाई क्रेटा गाडी मधून शेवगाव ते नेवासा रोडने गुटका पान मसाला व सुगंधी तंबाखूची बेकायदेशीर रित्या वाहतूक करीत आहे आता गेल्यास मिळवून येईल अशी खात्रीशीर माहिती मिळाल्याने पोलीस निरीक्षक दिनेश आहेर यांनी प्राप्त माहिती पथकास देऊन शेवगाव पोलीस स्टेशनचे अंमलदार व पंचांना सोबत घेऊन बातमीतील नमूद ठिकाणी जाऊन खात्री करून कारवाई करणे बाबत आदेश दिले.स्थानिक गुन्हे शाखेच्या पथकाने शेवगाव पोलीस स्टेशनच्या अंमलदार व पंचांना सोबत घेऊन बातमीतील नमूद ठिकाणी दिशा ऍग्रो इंडस्ट्रीज भायगाव तालुका शेवगाव येथे जाऊन सापळा लावून थांबलेले असताना शेवगाव कडून येणारे रोडने एक पांढऱ्या रंगाची कार त्यांना दिसली पंचांची खात्री होताच कार चालकास बॅटरीचे सहाय्याने थांबण्याचा इशारा करताच कार चालकाने गाडी थांबवले त्यावेळी कारमध्ये तिन इसम दिसले त्यांना पोलीस पथकाची ओळख सांगून वाहनाची पाहणी करता पांढऱ्या रंगाचे हुंडाई क्रेटा गाडीमध्ये गोण्या ठेवलेली दिसले सदर गोण्यांची पंचा समक्ष पाहनी केली असता त्यामध्ये महाराष्ट्र राज्यात प्रतिबंधात असलेल्या गुटखा पान मसाला व तंबाखू असलेले खात्री झाली गाडीतील सर्व इसमांना ताब्यात घेतले ताब्यात त्यांचे नाव गाव विचारले असता त्यांनी त्यांची नावे 1)मुजिम अल्ताफ पठाण वय ते 33 2) अजीम अल्ताफ पठाण वय 30 3) परवेज असिफ पठाण वय 27 सर्व राहणार नाईक वाडा पुरा तालुका नेवासा असे असल्याचे सांगितले त्यांच्याकडील गाडीतील गुटखा पान मसाला व तंबाखू बाबत विचारपूस करता यातील आरोपी एक व दोन यांनी माझे वडील 4) अल्ताफ इमान खान पठाण राहणार नाईकवाडापुरा तालुका नेवासा (फरार) यांच्या सांगण्यावरून इसम नामे 5) नाना उर्फ आदिनाथ जाधव राहणार पांढरवाडी तालुका गेवराई जिल्हा बीड(फरार) यांच्याकडून विक्री करता आणलेली आहे अशी कबुली दिली.वरील तिन्ही आरोपींच्या ताब्यातून 1,92,000 रू. किमतीचा हिरा गुटखा विविध प्रकारचा पान मसाला, 43,200 रू. किमतीची रॉयल तंबाखू व 15,00,000 रू. किमतीतील पांढऱ्या रंगाचे हुंडाई क्रेटा कार असा एकूण 17,35,200 रू. किमतीचा मुद्देमाल बेकायदेशीर रित्या कापतात बाळगून वाहतूक करताना मिळून आल्याने त्यांचे विरुद्ध शेवगाव पोलीस स्टेशन येथे पोलीस अंमलदार शिवाजी ढाकणे नेमणूक स्थानिक गुन्हे शाखा यांच्या तक्रारीवरून गुन्हा दाखल करण्यात आला आहे.सदरची कारवाई जिल्हा पोलीस अधीक्षक राकेश ओला,अपर पोलीस अधीक्षक प्रशांत खैरे,उपविभागीय पोलीस अधिकारी संदीप मिटके,स्थानिक गुन्हे शाखा पोलीस निरीक्षक दिनेश आहेर यांच्या मार्गदर्शनाखाली स्थानिक गुन्हे शाखेचे पोना/सचिन आडबल,पोकॉ/शिवाजी ढाकणे,पोकॉ/रणजीत जाधव,मेघराज कोल्हे,अमृत आढाव यांनी केली आहे.