अहमदनगर प्रतिनिधी (दि.२३ जुलै):-नगर दौंड रोडवरील आय पॅलेस हॉटेलमध्ये 28,150 रुपये किमतीचा देशी,विदेशी दारुचा साठा जप्त करण्यात नगर तालुका पोलिसांना यश आहे आहे.बातमीतील हकीकत अशी की,श्री.शिशिरकुमार देशमुख सहायक पोलीस निरीक्षक नगर तालुका पोलीस स्टेशन यांनी पोउनि/युवराज चव्हाण,पोहेकॉ/आनंद घोडके,पोकॉ/कमलेश पाथरुट,सोमनाथ वडणे,विक्रांत भालसिंग असे पोलीस अधिकारी व अंमलदार यांचे अवैध दारु विक्रीवर कारवाई करणेकामी पथक तयार करुन कारवाई करणेसाठी सुचना व मार्गदर्शन केले.सदर पथक हे नगर तालुका पोलीस स्टेशन हद्दीमध्ये वरिष्ठांच्या सुचना प्रमाणे अवैध धंद्यावर कारवाई करणेकामी पेट्रोंलीग करीत असतांना पोउनि/युवराज चव्हाण यांना गुप्त बातमी मिळाली की,नगर दौंड रोडवर आरणगांव शिवारात आय पॅलेस येथे एक इसम अवैध विदेशी व देशी दारुची विक्री करीत आहे आता गेल्यास मिळून येईल अशी बातमी मिळाल्याने सदर पथक हे नगर दौंड रोडवरील आय पॅलेस येथे जावून चौकशी केली असता तेथे एक इसम विदेशी दारुची विक्री करताना दिसला सदर पथकाची व पंचाची खात्री पटताच सदर इसमास ताब्यात घेवून त्यास त्याचे नाव व गाव विचारले असता त्याने त्याचे नाव सागर मच्छिद्र कोठुळे (रा.भूषणनगर केडगाव,अहमदनगर) असे असलेचे सांगितले सदर इसम बसलेल्या ठिकाणची पंचासमक्ष झडती घेतली असता त्याच्या कब्जामध्ये एकुण 28,150/- रुपये किमतीचा विदेशी व देशी दारुचा मुद्देमाल मिळून आले.सदर इसमाविरुध्द पोना/आनंद घोडके यांच्या फिर्यादीवरून गुरनं 587/23 मुपोऍ़ 65(ई) प्रमाणे गुन्हा दाखल करण्यात आला आहे.सदरची कारवाई श्री. राकेश ओला पोलीस अधीक्षक,श्री.प्रशांत खैरे,अपर पोलीस अधीक्षक,उपविभागीय पोलीस अधिकारी श्री.संपतराव भोसले यांच्या मार्गदर्शनाखाली नगर तालुका पोलिसांनी केली आहे.