अहमदनगर प्रतिनिधी (दि.२९ जुलै):-तोतया पोलीस अधिकारी बनवून लोकांची फसवणुक करणाऱ्या इसमाला पकडण्यात स्थानिक गुन्हे शाखेला यश आले आहे.दि.२८ जुलै रोजी स्थानिक गुन्हे शाखेचे पोलीस निरीक्षक श्री.दिनेश आहेर यांना गुप्त बातमीदारामार्फत बातमी मिळाली की सतिष काशिनाथ झोजे हा पोलीस अधिकारी असल्याचे सांगून लोकांची कायम फसवणुक करत असतो.तो सध्या स्वीफ्ट डिझायर कार क्रमांक एम.एच.१२.एच.व्ही.९०८१ मध्ये सिटी लॉन्स पाईपलाईन रोड अहमदनगर येथे उभा असून गाडी मध्ये डॅश बोर्डवर पोलीस ऑफीसर कॅप ठेवलेली आहे.अशी बातमी मिळाल्याने पोनि.श्री.दिनेश आहेर यांनी स्थानिक गुन्हे शाखेतील अंमलदारांना नमूद इसमास ताब्यात घेवून खात्री करून कायदेशीर कारवाई करणेबाबत सुचना देवून पथकास तात्काळ रवाना केले.पथकाने लागलीच सिटी लॉन्स पाईपलाईन रोड जावून खात्री करता सदर ठिकाणी रोडच्या कडेला एक स्वीफ्ट डिझायर कार क्रमांक एम.एच.१२ एच.व्ही. ९०८१ दिसून आल्याने गाडीजवळ उभा असलेल्या इसमास त्याचे नाव गाव विचारता त्याने सुरुवातीस त्याचे नाव पोलीस उपनिरीक्षक सतिष काशिनाथ झोजे नेमणुक पोलीस मुख्यालय अहमदनगर असे असल्याचे सांगितले.पथकाने त्यास त्याचे ओळखपत्र दाखविणेबाबत कळविले असता त्याने उडवाउडवीचे उत्तरे देवून काहीएक समाधानकारक माहिती दिली नाही.त्यावेळी पोलीस पथकाने त्याचे नावाचा कोणी पोलीस अधिकारी पोलीस मुख्यालय येथे नेमणुकीस आहे का याबाबत माहिती घेतली असता सदर नावाचा कोणीही पोलीस अधिकारी नेमणुकीस नसल्याची माहिती मिळाली.त्याचेकडे अधिक विचारपूस केली असता त्याने त्याचे नाव काशिनाथ झोजे वय २९ वर्षे हल्ली रा.ढवणवस्ती,तपोवन रोड अहमदनगर मूळ रा.मालुंजा ता.गंगापूर जि.छत्रपती संभाजीनगर असे असल्याचे सांगितले.सदर इसमाची व त्याचे ताब्यातील गाडीची पंचासमक्ष झडती घेता त्याचे कब्जामध्ये सतिष काशिनाथ झोजे परि.पोलीस उपनिरीक्षक या नावाची नेम प्लेट लावलेला,टोपी त्यावर राजमुद्रा असलेला मोनोग्राम,बेल्ट,बूट,लाईन यार्ड,असा पोलीस उपनिरीक्षकाचा संपूर्ण गणवेश व स्वीफ्ट डिझायर कार ताब्यात घेण्यात आले असून त्याबाबत तोफखाना पोस्टेला पोकॉ/अमृत आढाव यांच्या फिर्यादीवरून तोफखाना पोस्टे गु.र.नं १०८६/२०२३ भादवीक १७०,१७१,४२० प्रमाणे गुन्हा दाखल करण्यात आला असून पुढिल तपास तोफखाना पोस्टे करीत आहे.सदरची कारवाई श्री.राकेश ओला पोलीस अधीक्षक,श्री. प्रशांत खैरे अपर पोलीस अधीक्षक व श्री.अनिल कातकाडे उपविभागीय पोलीस अधिकारी नगर शहर विभाग यांचे सुचना व मार्गदर्शनाखाली स्थानिक गुन्हे शाखेचे पोहेकॉ/अतुल लोटके,पोना/सचिन अडबल,पोना/रविंद्र कर्डिले,संतोष लोंढे,फुरकान शेख,संतोष खैरे,सागर गवांदे, पोकॉ/रणजीत जाधव,अमृत आढाव,मेघराज कोल्हे,प्रशांत राठोड यांनी केलेली आहे.