भरधाव मोटारसायकलवरून विनयभंग करणाऱ्या रोडरोमीओला जिल्हा व सत्र न्यायालयाने ३ वर्षे सक्त मजुरी व दंडाची केली शिक्षा 

अहमदनगर प्रतिनिधी (दि.१८. डिसेंबर):-भरधाव मोटारसायकलवरून विनयभंग करणाऱ्या रोडरोमीओला जिल्हा व सत्र न्यायाधीश यांनी ३ वर्षे सक्त मजुरी व दंडाची शिक्षा केली आहे.या घटनेतील आरोपी नामे मिनीनाथ दिलीप चव्हाण (वय २४ वर्षे रा.जीएसपी इंम्पोरीयम अपार्टमेंट,नाना चौक तपोवन रोड) याने पिडीत फिर्यादी अल्पवयीन मुलगी ही गंगा उदयान रोडने तिच्या भावासोबत सायकलवरून घरी जात असताना तिचा विनयभंग केल्याप्रकरणी येथील श्रीमती.माधुरी एच.मोरे मॅडम अतिरिक्त व विशेष ( पोक्सो कोर्ट ) जिल्हा व सत्र न्यायाधीश यांनी दोषी धरून भा.दं.वि.कलम ३५४,३५४ ( अ ) तसेच लहान मुलांचा लैंगिक अत्याचारापासून संरक्षण करणारा कायदा २०१२ कलम ८ नुसार दोषी धरून आरोपीस ३ वर्षे सक्त मजुरी व रुपये १,०००/दंड व दंड न भरल्यास १ महिना साधी कैदेची शिक्षा सुनावली सदर खटल्याचे कामकाज विशेष सरकारी वकील ॲड.मनिषा पी.केळगंद्रे शिंदे यांनी पाहिले तर पैरवी अधिकारी आडसुळ यांनी सहकार्य केले.