अहमदनगर (दि.१२ सप्टेंबर):-आगामी सण व उत्सव अनुषंगाने अहमदनगर जिल्ह्यातून हद्दपार करण्यात आलेल्या रेकॉर्डवरील सराईत गुन्हेगारांना चेक करून हद्दपार आदेशाचा भंग करून जिल्ह्यामध्ये बेकायदेशीर रित्या वास्तव करत असताना आढळून आल्यास त्यांच्यावर कारवाई करण्याबाबत जिल्हा पोलीस अधीक्षक राकेश ओला यांनी सर्व पोलीस स्टेशनच्या प्रभारी अधिकाऱ्यांना सूचना केल्या होत्या.
नमूद सूचनेप्रमाणे भिंगार कॅम्प पोलीस स्टेशनचे सपोनि/दिनकर मुंडे यांना गुप्त बातमी दारामार्फत बातमी मिळाली की कोतवाली पोस्टे भादविक 397 गुन्ह्यातील फरार आरोपी तारा उर्फ संदीप जगन पाटोळे हा त्याच्या राहत्या घरी गौतम नगर नागरदेवळे भिंगार येथे येणार असून आता गेल्यास मिळून येईल अशी खात्रीशीर बातमी मिळाल्याने सपोनी/मुंडे यांनी लागलीच तपास पथकातील अंमलदार यांना फरार आरोपीचा शोध घेणे कामी लागलीच त्याच्या घरी जाऊन माहिती घेऊन कारवाई करण्यास सांगितले.
तपास पथकातील अंमलदार आरोपीच्या घरी गेले असता तो पळून जाण्याच्या तयारीत असताना शिताफीने पाठलाग करून त्यास ताब्यात घेतले.हा आरोपी तीन वर्षापुर्वी घडलेल्या गुन्ह्यात पोलिसांना वारंवार चकवा देत होता. पुढील तपास कोतवाली पोलीस करत आहेत.सदरची कार्यवाही पोलीस अधिक्षक श्री.राकेश ओला,अपर पोलीस अधिक्षक श्री.प्रशांत खैरे,उपविभागीय पोलीस अधिकारी श्री.अनिल कातकडे,सहा/पोलिस निरीक्षक श्री.दिनकर मुंडे, पोसई/किरण एस.साळुंके,सफो/कैलास सोनार,पोहेकाँ/संदिप घोडके, पोहेकाँ/रेवननाथ दहीफळे, पोहेकॉ/आर.डोळे,पोना/दिलीप शिंदे,पोकॉ/ अमोल आव्हाड यांनी केली आहे.