अहमदनगर (दि.१६ ऑक्टोबर):-शिर्डी येथील साईसुपर स्पेशालिटी हॉस्पीटल पासून महिला साथीदारांचे मदतीने मोटारसायकल चोरी करणारी आंतरजिल्हा टोळी तब्बल 22,82,000/- रुपये किमतीच्या 30 मोटारसायकलसह जेरबंद करण्यात स्थानिक गुन्हे शाखेला यश आले आहे.
बातमीची हकीगत अशी की,जिल्ह्यामध्ये मोटारसायकल चोरी करणारे चोरट्यांनी धुमाकुळ घातलेला होता.मोटारसायकल चोरी करणारे इसमांचा शोध घेवुन कारवाई करणेबाबत जिल्हा पोलिस अधीक्षक श्री.राकेश ओला साहेब यांनी पोनि/श्री. दिनेश आहेर,स्थानिक गुन्हे शाखा यांना आदेश दिले होते.
नमुद आदेशान्वये पोनि/श्री. दिनेश आहेर यांनी स्थानिक स्थानिक गुन्हे शाखेतील अधिकारी व अंमलदार यांचे विशेष पोलीस पथक ” स्थापन करुन अहमदनगर जिल्ह्यातील मोटारसायकल चोरीचे गुन्ह्याची माहिती घेवुन गुन्हे उघडकीस आणणेबाबत पथकास सुचना व मार्गदर्शन करुन पथक रवाना केले होते. पोलीस पथक शिर्डी परिसरामधील चोरीस गेले मोटारसायकल ठिकाणाची पाहणी करुन तसेच पोलीस स्टेशन अभिलेखाची खात्री करता शिर्डी परिसरामधुन विशेषत: होंडा कंपनीच्या जास्त गाड्या चोरी झाल्याचे निदर्शनास आले.
त्या दृष्टीने अशा प्रकारे गुन्हे करणारे अहमदनगर तसेच आजुबाजुचे जिल्ह्यामधील मोटारसायकल चोरीमधील आरोपीची माहिती काढत असतांना पोलीस पथकास गुप्त बातमीदारामार्फत बातमी मिळाली की, 1)अन्वर मन्सुर शेख रा.पानमळा,कोपरगांव हा चोरीची मोटारसायकल घेवुन शिर्डी ते कोपरगांव जाणारे रोडवर सावळीविहीर फाटा या ठिकाणी थांबलेला आहे अशी बातमी मिळाल्याने पोलीस पथकाने सावळीविहीर परिसरामध्ये सापळा लावुन सदर इसमास ताब्यात घेतले.
त्याचे कडे चोरीचे मोटारसायकल बाबत विचारपुस करता त्याने तसेच त्याचे इतर साथीदार नामे 2) बबन धोंडीराम मोगरे रा. रावळगांव, ता. मालेगांव, 3) शाहीस्ता मन्वरअली सय्यद, रा. कोपरगांव, ता. कोपरगांव (फरार), 4) माया दिनेश चौधरी रा.कालिकानगर, शिर्डी,ता.राहाता (फरार), 5) अंकुश भावसिंग चव्हाण रा. रिठ्ठी मोहर्डा,कन्नड,जि. छत्रपती संभाजीनगर यांचेसह अहमदनगर,नाशिक, मालेगांव,परभणी या जिल्ह्यातील वेगवेगळ्या ठिकाणावरुन मोटारसायकली चोरी केलेल्या असल्याची कबुली देवुन विविध ठिकाणावरुन 22,82,000/- रुपयेच्या किमतीच्या एकुण 30 मोटारसायकल काढुन दिल्या.
सदरची कारवाई श्री.राकेश ओला पोलीस अधीक्षक,श्रीमती स्वाती भोर मॅडम अपर पोलीस अधीक्षक श्रीरामपुर, श्री.संदीप मिटके उपविभागीय पोलीस अधिकारी शिर्डी विभाग शिर्डी यांचे सुचना व मार्गदर्शनाखाली स्थानिक गुन्हे शाखेचे पोउपनि/तुषार धाकराव,सफौ/बाळासाहेब मुळीक,भाऊसाहेब काळे, पोहेकॉ/अतुल लोटके,पोना/रविंद्र कर्डीले,पोना/गणेश भिंगारदे,पोना/संदीप चव्हाण, पोना/संतोष खैरे,फुरकान शेख,विजय ठोंबरे,पोकॉ/बाळासाहेब गुंजाळ,रणजित जाधव,चालक पोहेकॉ/उमाकांत गावडे यांनी केलेली आहे.