संगमनेर (दत्तात्रय घोलप):-फटाक्याचा स्टॉल लावण्यासाठी परवाना देताना आठशे रुपयांची लाच घेताना संगमनेर शहर पोलीस ठाण्यातील पोलीस उपनिरीक्षक बाळासाहेब यादव यास लाचलुचपत पथकाने रंगेहाथ पकडले आहे.
ही कारवाई लाचलुचपत विभागाचे पोलीस उपाधिक्षक प्रविणकुमार लोखंडे यांनी मंगळवार दि. ३१ ऑक्टोबर २०२३ रोजी सायंकाळी केली. याप्रकरणी यादव यास अटक करण्यात आली असून त्याच्यावर संगमनेर शहर पोलीस ठाण्यात गुन्हा दाखल करण्याचे काम सुरू होते.या निमित्ताने संगमनेर शहर पोलीस आणि तेथे होणारी लाचखोरी पुन्हा चव्हाट्यावर आली असून संगमनेर तालुका हा भ्रष्टाचारात अव्वल असल्याचे पुन्हा सिद्ध होऊ लागले आहे.