अहमदनगर (दि.१ नोव्हेंबर):-अल्पवयीन मुलीला व्हाट्सअप, फेसबुक, इंस्टाग्रामद्वारे मेसेज करून त्रास देणाऱ्या आरोपीला कोतवाली पोलिसांनी जेरबंद केले आहे. आरोपी हा भिंगार वेस येथे बसलेला असताना कोतवाली पोलिसांनी सापळा लावून आरोपीला ताब्यात घेतले.सर्फराज बाबा शेख (वय २३ वर्षे, रा. आलमगिर, अहमदनगर) असे आरोपीचे नाव आहे. अल्पवयीन मुलगी मूळ राहणार बुलढाणा हीचे आईने ३० ऑक्टोंबर २०२३ रोजी फिर्याद दिली होती. आरोपीने अल्पवयीन मुलीच्या मोबाईलवर मेसेज करून त्रास दिला होता.
तसेच जीवे मारुन टाकण्याची धमकी दिली होती. कोतवाली पोलीस ठाण्यात भादंवि कलम ३५४ ड ५०६ बालकांचे लैंगिक अपराधापासुन सरंक्षण अधिनियम २०१२ चे कलम ११,१२ पोस्को अंतर्गत गुन्हा दाखल करण्यात आला होता. गुन्ह्याचा तपास करीत असताना आरोपी हा भिंगार येथे वेशीमध्ये बसलेला असल्याची माहिती कोतवाली पोलीस व स्थानिक गुन्हे शाखेला मिळाली मिळाली. या माहितीच्या आधारे पोलिसांनी आरोपीला सापळा लावून ताब्यात घेतले. गुन्ह्याचा अधिक तपास पोलीस निरीक्षक चंद्रशेखर यादव यांच्या मार्गदर्शनाखाली सपोनि विश्वास भान्सी करत आहेत.
कोणी छेड काढत असल्यास थेट तक्रार करा..
कोणतीही महिला अथवा विद्यार्थ्यांनी यांची कोणीही पुरुष अथवा टुकार मुले कोणत्याही प्रकारे पाठलाग करणे, वारंवार फोन मेसेज करणे अथवा इतर कोणत्याही प्रकारे त्रास दिल्यास कोतवाली पोलिस ठाण्यात तक्रार करावी अथवा थेट चंद्रशेखर यादव पोलीस निरीक्षक कोतवाली पोलिस स्टेशन यांना 7777924603 यावर मेसेज करून तक्रार द्यावी. तक्रारदार महिलेचे नाव गोपनीय ठेवण्यात येईल.
सदरची कारवाई पोलीस अधिक्षक राकेश ओला, अपर पोलीस अधिक्षक प्रशांत खैरे, उपविभागीय पोलीस अधिकारी अनिल कातकाडे यांच्या मार्गदर्शनाखाली पोलीस निरीक्षक चंद्रशेखर यादव, पोहेकॉ तनवीर शेख, पोहेकाँ गणेश धोत्रे, पोना योगेश भिंगारदिवे, पोना इस्त्राईल पठाण, पोकॉ अभय कदम, पोकॉ कैलास शिरसाठ, पोकों सोमनाथ राउत, पोकों सुजय हिवाळे, पोकॉ अतुल काजळे, राहुल गुंडू, स्थानिक गुन्हे शाखेचे सफौ/ राजेंद्र वाघ, पोना / रवी कर्डीले पोना/विशाल दळवी यांच्या पथकाने केली आहे.