राज्य उत्पादन शुल्क विभागाची अवैध दारू विक्री करणाऱ्यांविरुद्ध धडक कारवाई

अकोले प्रतिनिधी (दि.२६.डिसेंबर):-राज्य उत्पादन शुल्क भरारी पथक क्र.२.श्रीरामपूरचे निरीक्षक यांना मिळलेल्या गुप्त माहितीनुसार,अहमदनगर जिल्ह्यात अकोले तालुक्यातील राजूर व इंदोरी फाटा येथे छापे टाकून अवैध दारू विक्री करणार्‍या विरुद्ध कारवाई केली आहे.या पथकाने अकोले तालुक्यातील अवैध देशी दारू विक्री करणार्‍या दुकानांवर छापे टाकत आठ जणांवर कारवाई करत १८ हजार ५०० रुपये किमतीच्या देशी दारूचा मुद्देमाल जप्त केला आहे.राज्य उत्पादन शुल्क पुणे विभाग विभागीय उपायुक्त अनिल चासकर,राज्य उत्पादन शुल्क अहमदनगर अधीक्षक गणेश पाटील यांचे मार्गदर्शनाखाली राज्य उत्पादन शुल्क भरारी पथक क्र.२.श्रीरामपूर निरीक्षक गोपाळ चांदेकर व दुय्यम निरीक्षक एस.जी.शिंदे सहाय्यक दुय्यम निरीक्षक के.के.शेख,टी.आर.शेख व माहिला जवान एम.आर.फटांगरे यांनी केली आहे.