अहमदनगर (दि.८ डिसेंबर):-शहरातील तोफखाना पोलीस ठाण्याच्या हद्दीतील काही गाळ्यामध्ये प्लायवुडचे कंम्पार्टमेंटला पडदे लावुन अंधार करून शाळा कॉलेजमधील मुला मुलींना अश्लिल चाळे करण्यासाठी जागा उपलब्ध करुन देणाऱ्या ५ कॅफे शॉपवर तोफखाना पोलीसांनी कारवाई करून चालकांवर गुन्हे दाखल केले आहे.
बातमीची हकीकत अशी की,दि.08 डिसेंबर 2023 रोजी तोफखाना पोलीस स्टेशन हद्दीमध्ये 1)कोहीनुर ऑर्केड बिल्डींगमध्ये बेसमेंट मध्ये असलेले कॅफे स्टेला 2) बालिकाश्रम रोड येथे डाऊन कॅफे, 3)पारिजात चौक, गुलमोहर रोड,येथे हंगरेला कॅफे, 4) प्रेमदान चौक, तारापान शेजारी द व्हेनी कॅफे, 5) पंपिंग स्टेशन रोड, ताठे नगर,येथे वन स्टार कॅफे अशा विवीध कॅफेमध्ये कॅफे शॉपचे चालक कॉफी शॉप बोर्ड लावुन कुठलाही कॉफी हा पेय तसेच इतर कुठलेही खाद्य पदार्थ विक्रीसाठी न ठेवता आतमध्ये लाकडी कंपार्टमेंट बनवुन त्यास बाहेरुन पडदे लावुन आतमध्ये बसण्यासाठी सोफे ठेवुन मुला मुलींना बसण्यासाठी व अश्लील चाळे करण्यासाठी जागा उपलब्ध करुन देत असल्याची बातमी तोफखाना पोलीस निरीक्षक मधुकर साळवे यांना बातमी मिळाल्याने सदर बातमीची दखल घेवुन तोफखाना पोलीस स्टेशनचे अधिकारी व अंमलदार यांनी तात्काळ त्या ठिकाणी कारवाई करुन कॅफेमध्ये प्लाऊड,बोर्ड, पार्टीकलने वेगवेगळे कंपार्टमेंट केलेले दिसले.
त्यात काही मुले व मुली या अश्लिल चाळे करताना दिसले.तसेच सदर कॅफेची पाहणी केली असता 3 बाय 3 लांबी रुंदीचे प्लाऊडचे व सुमारे 5 फुट उंचीचे विवीध कप्पे व त्यास बाहेरच्या बाजुने पडदे बसविलेले अढळुन आले. आतमध्ये बसण्यासाठी छोटे सोफे ठेवलेले दिसुन आले. कॉफी शॉपमध्ये दर्शनी भागात कॉफीशॉपचा परवाना दिसुन आला नाही किंवा कॉफी बनविण्यासाठी लागणारे साहित्य कॉफी पावडर,साखर,गॅस किंवा इतर साधणे दिसुन आले नाही. सदर ठिकाणी अनाधिकृत असल्याने सदर ठिकाणी अश्लील चाळे करण्यासाठी अडोशासाठी बनविलेले पडदे तात्काळ काढुन टाकण्यात आले व तेथे मिळुन आलेल्या मुला मुलींना तोंडी समज देवुन सोडण्यात आले.
व कॅफे चालक यांच्या विरुद्ध महाराष्ट्र पोलीस कायदा कलम 129, 131 (क) (क) प्रमाणे गुन्हे दाखल करण्यात आले आहेत. हि कारवाई पोलीस अधीक्षक श्री राकेश ओला,अपर पोलीस अधीक्षक प्रशांत खैरे, उपविभागीय पोलीस नगर शहर विभाग अनिल कातकाडे यांचे मार्गदर्शनाखाली तोफखाना पो.नि.श्री.मधुकर साळवे यांच्या पथकातील पो.उपनिरी/सचिन रणशेवरे, पोहेकॉ/दत्तात्रय जपे,सुनिल शिरसाट,दिनेश मोरे, पोना/अविनाश वाकचौरे,संदिप धामणे,वसिम पठाण,अहमद इनामदार,भानुदास खेडकर, सुरज वाबळे,पोकॉ/सुमित गवळी,सतिष त्रिभुवन, दत्तात्रय कोतकर,सचिन जगताप,शिरीष तरटे,सतिष भवर,यांनी केली आहे.
पोलिस निरीक्षक मधुकर साळवे यांच्याकडुन नागरीकांना नम्र आवाहन
सर्व नागरीकांना आवाहन करण्यात येते की,कॉलेज, क्लासेसला जाणाऱ्या मुलांच्या नातेवाईकांनी आपल्या पाल्याच्या वर्तनुकीवर बारकाईने व जबादारीने लक्ष ठेवावे. आपल्या पाल्याचे मित्र कोण आहेत, ते बाहेर काही टवाळखोरी करतात काय ? या बाबत बारकाईने लक्ष ठेवावे. यापुढे असे टवाळखोर व सार्वजनिक ठिकणी बेशिस्त वर्तनुक करणारी इसमे अढळुन आल्यास तोफखाना पोलीस स्टेशनकडुन त्यांच्यावर कठोर कायदेशीर कारवाई करण्यात येईल याची खबरदारी घ्यावी.