अहमदनगर (दि.२२ डिसेंबर):-शेवगाव येथील प्रवाशाची सोन्याची चैन चोरणारे दोन आरोपी 55,000/- रुपये किमतीचे मुद्देमालासह जेरबंद करण्यात स्थानिक गुन्हे शाखेला यश आले आहे.
बातमीची हकिगत अशी की,यातील फिर्यादी नामे नंदकुमार दामोधर साबळे (भगुर,ता.शेवगांव,जि. अहमदनगर) हे दि. 22/11/2023 रोजी स्टेट बँक शेवगांव या ठिकाणी व भाजीबाजार शेवगांव या ठिकाणी जावुन घरी जात असताना त्या दरम्यान कोणीतरी अज्ञात आरोपींनी फिर्यादीची 35,000/- रुपये किमतीची 13 ग्रॅम वजनाची सोन्याची चैन फिर्यादीचे नकळत चोरी केली होती.
सदर घटने बाबत शेवगांव पोलीस स्टेशन गु.र.नं. 1092/2023 भादविक 379 प्रमाणे चोरीचा गुन्हा दाखल करण्यात आला होता.अहमदनगर जिल्ह्यामध्ये पाकीटमारीच्या घटना घडत असल्याने जिल्हा पोलिस अधीक्षक श्री.राकेश ओला यांनी स्थानिक गुन्हे शाखेचे पोनि/श्री.दिनेश आहेर यांना सदर गुन्हे उघडकीस आणणेबाबत विशेष पथक नेमुण कारवाई करणे बाबत आदेश दिले होते.नमुद आदेशा प्रमाणे पोनि/श्री.दिनेश आहेर यांनी स्थानिक गुन्हे शाखेतील पोलीस अंमलदार यांचे पथक नेमुण ना उघड गुन्ह्यातील आरोपींची माहिती व शोध घेणे बाबत सुचना व मार्गदर्शन करुन पथकास रवाना केले होते.स्थागुशाचे पथक शेवगांव परिसरामध्ये सी.सी.टी.व्ही. फुटेज तपासुन आरोपींची माहिती काढत असतांना दि. 21/12/2023 रोजी पोनि. दिनेश आहेर यांना गुप्त बातमीदारामार्फत सदरचा गुन्हा हा मुद्दसर सादीक सय्यद व रंगनाथ गायकवाड दोन्ही रा.पाथर्डी यांनी केला असुन ते पुन्हा चोरी करण्यासाठी पाथर्डी जुने बस स्टँड येथे आले असले बाबत गुप्त बातमीदारामार्फत बातमी मिळाली.
माहिती पथकास कळवुन खात्री करुन कारवाई करणे बाबत आदेश दिले. पोलीस पथकाने पाथर्डी जुने बस स्टँड या ठिकाणी जावुन सापळा रचुन थांबले असता पाथर्डी जुने बस स्टँड या ठिकाणी दोन इसम संशयीतरित्या फिरतांना दिसुन आले. पोलीस पथकास त्यांचा संशय आल्याने त्यांना ताब्यात घेवुन त्यांचे नांव गांव विचारता त्यांनी त्यांची नावे 1) मुद्दसर उर्फ मुज्जु सादीक सय्यद रा.एडके,कॉलनी, पाथर्डी,ता.पाथर्डी,जि. अहमदनगर, 2)रंगनाथ दिलीप गायकवाड रा.हंडाळवाडी,ता.पाथर्डी,जि. अहमदनगर असे असल्याचे सांगितले.सदर आरोपींची झडती घेता अंगझडतीमध्ये 55,000/-रुपये किमतीची 10 ग्रॅम वजनाची सोन्याची चैन मिळुन आली.सदर चैन बाबत त्यांचेकडे विचारपुस करता त्यांनी सदरची चैन शेवगांव या ठिकाणावरुन चोरुन आणली असल्याचे सांगितल्याने त्यांना पुढील तपासकामी शेवगांव पोलीस ठाणे या ठिकाणी हजर करण्यात आले असुन पुढील तपास शेवगांव पोलीस ठाणे करीत आहोत.
आरोपी मुद्दसर उर्फ मुज्जु सादीक सय्यद याचे विरुध्द खालीलप्रमाणे जबरी चोरीचा गुन्हा दाखल आहे.हि कारवाई जिल्हा पोलिस अधीक्षक श्री.राकेश ओला,श्री.प्रशांत खैरे अपर पोलीस अधीक्षक व श्री. सुनिल पाटील उपविभागीय पोलीस अधिकारी शेवगांव विभाग यांचे सुचना व मार्गदर्शनाखाली स्थानिक गुन्हे शाखेचे पोलीस पोउपनि/मनोहर शेजवळ,पोहेकॉ/बापुसाहेब फोलाने,पोहेकॉ/संतोष लोढे,पोना/रविंद्र कर्डीले,पोना/संदीप चव्हाण, संतोष खैरे,शिवाजी ढाकणे, मेघराज कोल्हे यांनी केलेली आहे.