अहमदनगर (दि.१८ जानेवारी):-नेवासा तालुक्यातील उस्थळ दुमाला येथे १ गावठी कट्टा व २ जिवंत काडतुस बाळगणाऱ्या इसमास स्थानिक गुन्हे शाखेच्या पथकाने ताब्यात घेत 31,000/- रुपये किंमतीचा मुद्देमाल जप्त केला आहे.
जिल्हा पोलीस अधीक्षक राकेश ओला यांनी पोनि/श्री.दिनेश आहेर यांना जिल्ह्यातील अवैध अग्नीशस्त्रे व हत्यारे बाळगणा-या इसमांविरुध्द जास्तीत जास्त कारवाई करणे बाबत आदेश दिले होते.दिलेल्या आदेशान्वये जिल्ह्यातील अवैध अग्नीशस्त्रे व हत्यारे बाबत स्थानिक गुन्हे शाखेचे पथक माहिती घेत असताना पोनि/श्री.दिनेश आहेर यांना गुप्तबातमीदारा मार्फत माहिती मिळाली की,इसम नामे कैलास आसाराम म्हस्के (रा.उस्थळ दुमाला,ता.नेवासा) हा त्याचे कब्जामध्ये विनापरवाना गावठी कट्टा व काडतुस बाळगुन उस्थळ दुमाला ता.नेवासा येथील माध्यमिक विद्यालयाचे कमानी जवळ उभा आहे आता गेल्यास मिळुन येईल.
अशी खात्रीशिर बातमी मिळाल्याने पोनि/श्री.दिनेश आहेर यांनी स्थानिक गुन्हे शाखेचे पथक नेमुन पंचाना सोबत घेवुन,बातमीतील संशयीताची माहिती घेवुन तो मिळुन आल्यास त्यास ताब्यात घेवुन खात्री करुन कारवाई करणे बाबत आवश्यक सुचना देवुन पथकास रवाना केले.
पोलीस पथकाने किसनगिरी माध्यमिक विद्यालय,उस्थळ दुमाला,ता.नेवासा येथे जावुन खात्री करता बातमीतील वर्णना प्रमाणे एक संशयीत इसम मिळुन आला.त्यास शिताफीने ताब्यात घेतले. ताब्यात घेतलेल्या संशयीतास पोलीस पथकाची ओळख सांगुन त्यास त्याचे नाव गांव विचारले असता त्याने त्याचे नाव कैलास आसाराम म्हस्के रा.उस्थळ दुमाला,ता.नेवासा असे असल्याचे सांगितले. त्यांची पंचासमक्ष अंगझडती घेता त्यांचे अंगझडतीत 30,000/-रु.किंमतीचा एक देशी बनावटीचा कट्टा व 1,000/-रु. किंमतीचे 2 जिवंत काडतुस असा एकुण 31,000/-रु.किंमतीचा मुद्देमाल मिळुन आल्याने त्याचे विरुध्द पोना/658 संदीप संजय दरंदले नेम. स्थानिक गुन्हे शाखा यांचे फिर्यादीवरुन नेवासा पोलीस स्टेशन येथे गु.र.नं.41/2024 आर्म ऍ़क्ट 3/25 प्रमाणे गुन्हा दाखल करण्यात आला आहे.
पुढील कायदेशिर कार्यवाही नेवासा पोलीस स्टेशन करीत आहे.हि कारवाई जिल्हा पोलिस अधीक्षक श्री.राकेश ओला,श्रीमती.स्वाती भोर मॅडम अपर पोलीस अधीक्षक श्रीरामपूर व श्री.सुनिल पाटील उपविभागीय पोलीस अधिकारी,शेवगांव विभाग यांचे सुचना व मार्गदर्शना खाली स्थानिक गुन्हे शाखेचे पोसई/सोपान गोरे,पोहेकॉ/दत्तात्रय गव्हाणे,ज्ञानेश्वर शिंदे, देवेंद्र शेलार,पोना/रविंद्र कर्डीले,संदीप दरंदले,फुरकान शेख व पोकॉ/किशोर शिरसाठ यांनी केली आहे.