अहमदनगर (दि.१९ जानेवारी):-देशी-विदेशी दारुची रिक्षातून वाहतुक करणाऱ्या इसमाला पकडून कोतवाली पोलीसांनी त्याच्या ताब्यातून ८६ हजार ३६०/- रु.चा.मुद्देमाल जप्त केला आहे.
दि.१९ जानेवारी रोजी कोतवाली पोलीस निरिक्षक प्रताप दराडे साहेब यांना गुप्त बातमी दारा मार्फत बातमी मिळाली की,एक इसम त्याचे कडील बजाज कंपनीची रिक्षा क्रमांक एम एच १६ बीसी ०५५९ या रिक्षामधून देशी-विदेशी दारु विक्री करण्याचे उद्देशाने गांधी मैदान येथे येणार आहे.अशी खात्रीशीर बातमी मिळाल्याने कोतवाली पोलीस स्टेशनचे तपास पथकाचे पोलीस अंमलदार,पंच यांना समक्ष बोलावुन घेवुन सविस्तर माहिती देवुन सदर बातमीतील ठिकाणी छापा टाकून कारवाई करणे बाबत आदेश दिल्याने तपास पथकातील पोलीस अंमलदार यांनी गांधी मैदान लक्ष्मीबाई कारंजा चौक अहमदनगर येथे जावून सापळा लावून बजाज कंपनीची रिक्षा क्रमांक एम एच १६ बीसी ०५५९ यावरील इसमास जागीच पकडून त्यास त्याचे नाव गाव विचारले असता त्याने त्याचे नाव सतिष मारुती नागरगोजे (रा. चौधरी नगर सोलापूर रोड, अहमदनगर) असे असल्याचे सांगितल्याने त्यांच्या कब्जात असलेला मुद्देमाल जप्त केला.
पोकॉ/२५७३ सुरज दिलीप कदम यांच्या फिर्यादीवरुन कोतवाली पोलीस स्टेशन येथे गुरनं ॥ ६.३ /२०२४ महाराष्ट्र दारुबंदी कायदा कलम ६५ (अ) (ई) प्रमाणे गुन्हा दाखल करण्यात आला आहे.हि कारवाई जिल्हा पोलीस अधिक्षक श्री.राकेश ओला,अपर पोलीस अधिक्षक श्री.प्रशांत खैरे,उपविभागीय पोलीस अधिकरी नगर शहर विभाग श्री.हरीष खेडकर, यांचे मार्गदर्शनाखाली पोलीस निरीक्षक श्री.प्रताप दराडे, मपोसई/शितल मुगडे,पोहेकॉ/शाहीद शेख, पोहेकॉ/सागर पालवे,पोहेकॉ/ रविंद्र टकले,पोना/सलीम शेख,पोकॉ/दिपक रोहकले, पोकॉ/तानाजी पवार,पोकॉ/सुरज कदम,पोकॉ/सत्यजित शिंदे,पोकॉ/महेश पवार, पोकॉ/शिवाजी मोरे,पोकॉ/अनुप झाडबुके,पोकॉ/विशाल कुलकर्णी,पोकॉ/प्रमोद लहारे, पोकॉ/रामनाथ हंडाळ यांनी केली आहे.