एक हजाराची लाच घेताना जीएसटी अधिक्षकासह निरीक्षकही रंगेहात जेरबंद सीबीआयच्या अँटी करप्शन ब्युरोची कारवाई

अहमदनगर प्रतिनिधी (दि.६.जानेवारी):-वस्तू आणि सेवा कराच्या जीएसटी नोंदणी प्रमाणपत्राचा अर्ज मंजूर करण्यासाठी नगर मधील खाद्यतेल व्यावसायिकाला नव्या कंपनीची एजन्सी घ्यायची असल्याने त्याने १३ डिसेंबर रोजी जीएसटी पोर्टल वर अर्ज केला होता व त्यानंतर निरीक्षक मुरली मनोहर याने त्या व्यावसायिकाला नगर शहरातील मार्केटयार्ड येथील किसान क्रांती बिल्डिंग मधील कार्यालयात बोलावून व यातील अर्जदाराची ओळख अधीक्षक विजयकुमार राऊत यांच्याशी करून दिली अर्जदाराने अर्जा समवेत जोडलेली वीज बिल त्याच्या वडिलांचे नावे असल्याने अर्ज ना मंजूर होईल असे या दोघांनी त्यांना सांगितले व एक हजार रुपये दिल्यास अर्ज मंजूर करून घेऊ असे म्हणत त्या दोघांनी लाचेची मागणी केली.अर्जदारांने त्याच दिवशी सीबीआयच्या अँटी करप्शन ब्युरो कडे तक्रार केली.अर्जदाराने एक हजार रुपये लाचेची रक्कम निरीक्षकाला देताच सीबीआयच्या अँटी करप्शन ब्युरोच्या निरीक्षक शितल शेंडगे यांच्या पथकाने दोघांना पैसे घेताना रंगेहात पकडले.अधीक्षक विजयकुमार राऊत (वय 55, रा.राहिंजमळा, केडगाव, नगर) व निरीक्षक मुरली मनोहर (वय 27, रा.अमितनगर,नगर) पैसे घेताना अटक केलेल्या दोघा अधिकाऱ्यांचे नाव आहेत.