नगर शहरामध्ये भिमशक्ती व शिवशक्तीचा नारा देत दोन्ही पक्षाच्या पदाधिकार्‍यांनी एकमेकांना भरविले पेढे या महायुतीतून बहुजन समाजाला न्याय व सन्मान नक्कीच मिळेल-जयदीपभाई कवाडे

अहमदनगर प्रतिनिधी (दि.६.जानेवारी):-मा.खासदार प्रा.जोगेंद्र कवाडे सर यांची पिपल्स रिपब्लिकन पार्टी आणि मुख्यमंत्री एकनाथ शिंदे यांची बाळासाहेबांची शिवसेना या दोन्ही पक्षांमध्ये महायुती झाली असता, शहरातील दोन्ही पक्षाच्या पदाधिकार्‍यांनी एकत्र येऊन जल्लोष केला.मार्केटयार्ड चौक येथील डॉ.बाबासाहेब आंबेडकर व जुने बसस्थानक येथील छत्रपती शिवाजी महाराजांच्या पुतळ्यास पुष्पहार अर्पण करुन ढोल-ताशाच्या गजरात व फटाक्यांच्या आतषबाजीत पदाधिकारी व कार्यकर्त्यांनी एकमेकांना पेढे भरविले. यावेळी जोरदार घोषणांनी भिम शक्ती व शिव शक्तीचा गजर करण्यात आला.नगर शहरात आलेले पिपल्स रिपब्लिकन पार्टीचे राष्ट्रीय कार्याध्यक्ष जयदीपभाई कवाडे यांच्या प्रमुख उपस्थितीमध्ये झालेल्या या जल्लोशाप्रसंगी शिवसेनेचे जिल्हाध्यक्ष अनिल शिंदे, शहराध्यक्ष दिलीप सातपुते, नगरसेवक सचिन जाधव, पिपल्स रिपब्लिकन पार्टीचे जिल्हाध्यक्ष सुमेध गायकवाड, प्रा.जयंत गायकवाड,नितीन कसबेकर,सुनील क्षेत्रे,युवानेते सोमा शिंदे,संतोष मोकळ, मधुकर पावसे,संजय उनवणे, किरण जाधव,प्रा. भीमराव पगारे सर,महिला जिल्हाध्यक्षा गौतमी भिंगारदिवे,अक्षय बोरुडे,संघा गायकवाड, अमोल जाधव,आदर्श उघडे आदींसह कार्यकर्ते मोठ्या संख्येने यावेळी उपस्थित होते.