डिपीवर काम करीत असताना तारांना स्पर्श होताच वायरमनचा शॉक लागून मृत्यू  

राहता प्रतिनिधी (दि.२०.डिसेंबर):-अहमदनगर जिल्ह्यातील राहता तालुक्यात रांजणगाव खुर्द येथील जीवन प्राधिकरण योजनेसाठी नवीन डिपी व पोल टाकून तारा ओढण्याचे काम सुरू असताना ठेकेदाराने लाईट बंद करण्याची परवानगी एक ठिकाणची घेतली व काम मात्र दुसर्‍या डिपीवर सुरू केल्याने नवनाथ मारुती सुपेकर या कर्मचार्‍याचा विजेचा धक्का लागून मृत्यू झाला आहे. नवनाथ मारुती सुपेकर (वय 30 वर्ष) हे डिपीवर चढले असता त्यांचा तारांना स्पर्श होताच त्यांचा शॉक लागून त्यांचा मृत्यू झाला.ही घटना काल सोमवारी १९ डिसेंबर रोजी दुपारी घडली.राहाता ग्रामीण रुग्णालयामध्ये पोस्टमार्टम करून मृतदेह नातेवाईकांचा ताब्यात देण्यात आला.राहाता पोलीस स्टेशनला अकस्मात मृत्यूची नोंद करण्यात आली.याप्रकरणी पुढील तपास राहाता पोलीस स्टेशनचे पोलीस निरीक्षक सुनील गायकवाड यांच्या मार्गदर्शनाखाली तपास सुरू आहे.