दुचाकी उड्डाणपुलावरून खाली कोसळून तरुणाचा जागीच मृत्यू

अहमदनगर प्रतिनिधी (दि.१०.डिसेंबर):-नेवासा उड्डाणपूलावरील वळणावर नियंत्रण सुटल्याने दुचाकी दुभाजकाला धडकल्यानंतर उड्डाणपूलावरून खाली कोसळून झालेल्या भीषण अपघातात नेवासा तालुक्यातील गोंडेगाव येथील तरुणाचा जागीच मृत्यू झाल्याची दुर्घटना गुरुवार दि.८ डिसेंबर रोजी दुपारी धुळे-सोलापूर हायवेवरील धाराशिव कारखाना उड्डाणपुलावर घडली.याबाबत अधिक माहिती अशी की,संदीप कारभारी धाडगे (रा.गोंडेगाव ता.नेवासा वय ३७ वर्ष) हा तरूण पत्नी अंजली सह दुचाकीवरून मुरूम येथील नातेवाईकांकडे जात होता.दुचाकी धुळे-सोलापूर या राष्ट्रीय महामार्गावरील येरमाळा येडशीच्या दरम्यान असलेल्या धाराशीव साखर कारखाना उड्डाणपुलावर आली असता, नियंत्रण सुटल्याने दुभाजकावर आदळली व दुचाकी उड्डाणपुलावरून खाली कोसळली.या भीषण अपघातात तरूणाचा जागीच मृत्यू झाला.तर पत्नीच्या गुडघ्याला किरकोळ दुखापत झाली आहे.शुक्रवार दि.९ डिसेंबर रोजी दुपारी गोंडेगाव येथे त्यांच्यावर अंत्यसंस्कार करण्यात आले आहे.