दिपाली सय्यद यांना करायची होती ठाकरेंची हत्या-माजी स्वीय सहाय्यक भाऊसाहेब शिंदे

नगर प्रतिनिधी (दि.२७ डिसेंबर):-सिने अभिनेत्री व शिवसेना नेत्या दिपाली सय्यद यांचे विषयी त्यांचे माजी स्वीय सहाय्यक भाऊसाहेब शिंदे यांनी पत्रकार परिषदेत आणखी एक खळबळजनक खुलासा केला आहे.सिने अभिनेत्री यांनी यापूर्वी दिपाली भोसले सय्यद चॅरिटेबल ट्रस्टच्या माधमातून हजारो कोटींचा घोटाळा केला असून त्यांचे दुबई व पाकिस्तान कनेक्शन असल्याचा आरोप भाऊसाहेब शिंदे यांनी केला होता.मात्र आता भाऊसाहेब शिंदे यांनी आणखी एक गौप्य स्फोट केला आहे.दीपाली सय्यद यांना राज ठाकरेंची हत्या करायची होती आणि त्यांनी कट देखील रचला होता असा खळबळजनक आरोप भाऊसाहेब शिंदे यांनी केला आहे.दरम्यान भाऊसाहेब शिंदे यांना दिपाली सय्यद व त्यांच्या कार्यकर्त्यान पासून जीवाला धोका असून अनेक वेळा खुनी हल्ले झाले असल्याने भाऊसाहेब शिंदे यांनी पोलिस संरक्षणची मागणी केली आहे.इतकेच नाही तर पोलिस संरक्षण दिले तर 30 जानेवारीला दीपाली सय्यदचे दाऊद सोबत असलेले आर्थिक व्यवहारांचे पुरावे देणार असल्याचे भाऊसाहेब शिंदे यांनी स्पष्ट केले आहे.