नाशिक पदवीधर मतदार संघातील इच्छुक उमेदवार ॲड.धनंजय जाधव यांना स्वाभिमानी शिक्षक संघटनेचा पाठिंबा

नगर प्रतिनिधी (दि.५.जानेवारी):-नाशिक पदवीधर मतदारसंघाचे इच्छुक उमेदवार ॲड.धनंजय जाधव यांना भारतीय जनता पार्टीने उमेदवारी दिल्यास स्वाभिमानी शिक्षक संघटना महाराष्ट्र राज्य अहमदनगर जिल्ह्याच्या वतीने पाठिंबा देणार असल्याचे पत्र जिल्हाध्यक्ष प्रसाद शिंदे यांनी जाधव यांना दिले.महाराष्ट्राचे आराध्य दैवतछत्रपती शिवाजी महाराज,महात्मा ज्योतिबा फुले,डॉ.बाबासाहेब आंबेडकर यांचे अनुयायी आहेतच तसेच धनंजय जाधव हे बहुजन,दलित,आदिवासी,अल्पसंख्याक,महिला इत्यादी पदवीधरांचे प्रश्न चांगल्या पध्दतीने सोडवतील अशी संघटनेला व नागरिकांना आशा आहे.तसेच धनंजय जाधव यांना नाशिक पदवीधर मतदार संघाची उमेदवार दिल्यास स्वाभिमानी शिक्षक संघटना त्यांच्या विजयासाठी अहोरात्र प्रयत्न करेल असे प्रतिपादन स्वाभिमानी शिक्षक संघटनेचे अहमदनगर जिल्हाध्यक्ष प्रसाद शिंदे यांनी यावेळी केले.